За юу байна даа үе тэнгийн үхэр хонь жилтэнгүүд минь...

Сайн уу найз аа. Муухай ханиадыг эс тооцвол эдийн засгийн хямралаас гарах гээд ч байгаа юм шиг үгүй ч юм шиг. Хальт өвөл болох гээд ч байгаа юм шиг үгүйч юм шиг нэг тийм үе байна тээ. Нээрээ энэ ханиад эхлээд аймаар айгаад байсан чинь одоо бүүр сонин биш болоод би л лав үнэн назгайрч байна оо. Тоож байгаа ч юм алга. Ар Солонгосын коммунист ах нарын хийсэн нэг кумданг ч гэнэ комдонг ч гэнэ үү хэ хэ нэг алдаг сайхан тариа байдаг гэнэ. Улс их хийлгээд айхтар эдгэрээд байгаан байх оо. Та бүхэн яаж мэдхэв бас сонирхоод байвал сурна биз дээ тээ. За тэгээд өөр сонин сайхан юу байна аа. Ойрд нээрээ сонгуульд ялагдаад дээр нь баахан ажил ойн ажил гээд үнэн лайтай их ажилтай хүн л байна аа. Миний найз ч гэсэн бодвол их л ажилтай байгаа байлгүй дээ тээ. Найзынхаа блог-оор нэг ч шагайгаагүй байхыг бодход тээ гээд майаар үг хаяа наавал яана аан. Би өчигдөр Дэлхий тоосон Монгол гэж ирж байгаад л баахан зүйл бичээд яг оруулдагийн даваан дээр нэт тасраад тэгээд уур хүрээд нөгөөдхөө уётгав. Дараа нь ээ хуулаад авдаг байж гэж харамсав. Тэнэг хүн ч тэгээд ар дээр нь л боддог юм байна штээ. Ингэхэд ойрд энд тэндхийн сонин сайхан ерөөсөө сонссонгүй ээ. Найз минь сонин сайхан зүйл байвал найзруугаа бичээд нэг сэтгэгдэл үлдээчээч дээ аан. Тэгжийгаад найз нь нөгөө устгадаг бичлэгээ оруулана. Тэндээр нилээн юм бичнэ ээ за. За юутай ч ойрд бичээгүй болхоор сайхан байна. Ажилд нь амжилт хүсье дээ найз аа.

JD

Хааяа ч гэсэн жоохон ч гэсэн зүйлийг хайрлахсан...

http://41.az.mn/index.php?module=menu&cmd=content&id=1355&menu_id=387 Нэгэн сайхан сэтгэлт анд минь надад энэ линкийг өглөө. Би чамд хайртай гэдэг киног эндээс татаж үзээрэй гэж. Уул нь ч шууд татаад үзнэ гэхээр сайхан л санагдаж байна. Гэхдээ сэтгэлийн угаас гэнэт нэгэн бодол урган гарлаа л даа. Тэр нь хэрвээ би энэ киноны найруулагч бөгөөд бас хөрөнгө оруулагч нь байсан бол гэж бодогдлоо. Ямар их цаг, мөнгө, сэтгэл гаргаж хйисэн бол оо. Тэгээд киногоо ч гаргаж дуусаагүй байсан чинь киног нь нөхдүүд татаж үзээд л гэж. За юутай ч гэсэн төрийн төлөө огтоно гэдэг боллоо. Бодвол бас бодох л тээ. За өдрийг сайхан өнгөрүүлээрэй...

JD

Намайг EXCEL гэдэг... (Шууд оруулав. Алдаа бий)

Анх би энэ Дэлхийд нэгэн үйлдвэрт мэндэлсэн юм. Одоо бодоход миний ээж HYUNDAI юм билээ л дээ. Ээж минь их олон хүүхэдтэй болхоор бүгд л над шиг адилхан боддог байх. Харин миний аавыг яг хэн гэдгийг мэддэггүй. Гэхдээ миний байнгын овог бол Korea. Сайнаар ч муугаар ч дуудсан л энэ нэр байнга гардаг юм. Би эхээс анх төрсөн цагаас эхлээд л зөв гараар эдлүүлж, зориулалтын замаар явж ирсэн. Төрсөн нутгаа бодхоор тэр сайхан мөчүүд л санаанд минь буудаг юм. Салхи татуулан давхиж, жинхэнэ хурд хүчийг би харуулдаг байсан юм. Ийгээд нэг өдөр эзэн минь намайг өөр нэгэн надаас хойш төрсөн дүүгээр минь солиод алга болсон доо. Би гэдэг амьтан яахав даа гарашд байдаг болсон. Төмөр минь зэвэрч нуруу минь шалбарах яг тэр агшинд хэл нь үл мэдэх хар нөхөр ирээд намайг худалдаж аваад төмөр амбаарт хийгээд цоожилсон юм. Хэсэгтэйй тэндээ орилж тийчлээд аргагүйн эрхэнд нам жим болсон. Харин нэг өдөр гэнэт нөгөө хэл нь үл ойлгогпох нөхөд гэрэл гялбуулан төмөр хайрцагны хаалгыг нээсэн дээ. Тэр агшинг одоо хэр нь би мартадгүй юм даа. Намайг өргөж буулгаад нэг их муухай замаар хааз гишгэн давхисан. Хамаг карвератор, мотор, амаржин минь доргиж, дөрвөн дугуй минь тэсхийн аргагүй өвдөж байсан юм. Гадаа их хүйтэн дээр нь аймшгийн их хорт утаатай болхоор агаар шүүгч минь тэр дороо бөглөрсөн. Хамраа таглуулсан би яахав дээ хий л баахан бархирдаг болсон шүү. Нөгөө хэл нь үл ойлгогдох нөхөр давхиж ирээд нэг нөхөртэй ярьж байгаад намайг өгч орхисон доо. Нөгөө нөхөр минь намайг унаад гэртээ ирээд энд тэнд минь баахан юм наагаад, цэнхэр уяагаар чимээд дараа нь утаагаар баахан тойруулж утсан. Тэр цагаас хойш би хэзээ ч нуруу минь нэг шөнө бүтэн хоносонгүй дээ. Өглөө эрт босно. Босоод шууд л хэдэн хүн чихэж аваад нөгөө муухай замаараа явж өгнө. Шөнө яг сайхан унтах гэхээр гэрэл гялбаж, хөгжим тачигнасан баарны гадаа зогсоод л дахиад хүн суулгаад явж өгнө. Нөгөө хүмүүс нь зүгээр ч явахгүй над дээр бөөлжинө, шүлсээ хаяна. Үнэр танар авах юм байхгүй ээ. Арай ч ийм EXCEL байгаагүй л юм даа гэж дотроо бодхоос цаашгүй. Манай эзэн авсан цагаас эхэлж хэзээ ч миний моторын тосыг сольж байгаагүй. Дугуй бол бүр ярилтгүй ээ. Баруун дугуй бүр халцарсан. Өвөл хичнээн хичээгээд ч нэмэргүй гулгаастай. Өвөл зунгүй нэг муу пүүзтэйгээ л байна. Энд тэндээсээ мөргүүлсээр байгаад одоо миний арьс байхгүй болсоон. За тэгээд энд тэнд явж их юм үзлээ. Энэ орны хамаг л өндөр уул, шавар, ус гээд бүхнийг нь гаталлаа, тууллаа даа би. Уул нь хотын машин. Гэвч энд өөр хууль надад үйлчилдэг юм. Одоо ч би нэг муу машин нэртэй сэг болсон. Ингээд хаяагдах байхдаа гэж бодож байтал манай эзэн саяхнаас намайг угааж арчлаад дугуйг минь солиод, гялалзтал өнгөлдөг болсон. Гайхаад байсан чинь намайгаа алс холын Баян-Өлгий аймгийн нэгэн сумруу зарчихлаадаа. Ийгээд би одоо хотоос гараад явж байна даа. Тэнд очоод юу үзэхийг ёстой чөтгөр л мэдэх байхдаа хэ хэ. EXCEL хүн байсан бол ингэж хэлэх байсан болов уу гэж....

JD

Монголоо алдсан Монголчууд...

Хүүе ээ нэг рекламан дээр энэ хүүхдүүд одоо ааруул ч идэж чадахаа байжээ гэсэн нэг зүйлийг энэ хоёр нүдээрээ харав. Ямар нүгэлтэй юм бэ. Амьд явахад нүгэлтэй юм ихийг үзлээ. Гэхдээ арай ч ийм юм сонсоно гэж бодож явсангүй гээд л эмээ минь байсан бол уулга алдах байсан байх даа хөөрхий... Нээрээ ааруул идэж ч нээрээ чадахаа больсон юм болов уу. Алах нь ээ аан. Гэхдээ нэг л магадгүй юм шиг л санагдаад байна аа. Яагаад гэхээр би мессэнжэр дээрээ зав байвал буугаад мордоно биз дээ гээд бичээд орхисон чинь бараг л нилээд хэдэн найз хаана буухийн, хаана мордохийн яг юу гэсэн үг юм бэ гээд асуугаад байсан. Сонин байгаа биз. Монголчууд бие биенийгээ манайхаар ороод гараарай гэдэг санааг нэг буугаад мордоорой л гэдэг байсан штээ. Тэр утгаар нь миний блогоор зочлоорой гэсэн чинь ойлгодгүй штээ хэ хэ. За даа нилээн л Монголоо алдаж байгаа улс байна даа бид чинь. Ер нь л тэгж санагдаж байна. Уул нь хүнд мартах учиргүй зүйлс их байдаг даа. Тэр дундаа энэ муу хуучирсан гэгдэх уламжлалаа нэг үлдээчих юмсан даа. Аугаа түүхт Англи улс өнөөдрйиг хүртэл хуучны орон сууцаа нураахгүйгээр хууль гарган түүх соёлоо, аугаа гэдгээ үр хойчдоо, Дэлхий нийтэд харуулсаар байгааг хэн ч буруу гэдэггүй штээ. Яг үүнийг чадахгүй ч энэ хэдэн жоохон соёлоо амьд хэвээр нь л авч явах юмсандаа.

Блогоор минь зочилж дээшээ морилон саатсан найз чамдаа баярлалаа. Ажил нь үргэлж бүтэж байг энэ сайхан сэтгэл шигээ...

JD

Азтай байлаа найз нь...

Жил бүрийн 09.10 өдөр Дорноговь аймгийн Хамрын хийд буюу Дэлхийн энергийн төвд Шанбалын орны Ерөөлийн ном гэж хурдаг уламжлал тогтоод бараг 3 жил болж байна даа. Морь уралдана. Ер нь л их сайхан буяны болоод баярын ажил болдог юм байна. Би энэ жилийнх нь арга хэмжээнд нутгийн хэдэн найз нарын хамт оролцоод ирлээ. Лхагва гарагийн шөнө гарч давхиал шөнөжин яваад л тэгээд үүрээр орж явчихсан даа. Замдаа үүргэлээд хэсэг машиндаа суугаагаараа унтаад сэрхэд хамаг бие минь хөшөөд жинхэнэ шпрот болсон байсан даа. Бас хотоос гарах гэж бие биенээ хүлээсээр нилээн удав даа гэж. Юутай ч нойр хоолоо хугаслан байж очсон доо туйлын их баяртай буцаж ирлээ. Шанбалын оронлуу Хамрын хийдээсээ 3 км гороолон очоод тэндээ ном хурдаг юм байна. Хүн бүр гартаа хийдийн номноос бариад алхдаг юм билээ. Маш их хүн очсон байсан. Яг энергийн төвийн гол хойд хэсэгт байрлах толгой дээр гардаг. Яг тэнд нь байрлах хэсэгт их сонин юм болсон том могой бүтэн биеэрээ гарч ирсэн нь байлаа. Харсан хүмүүс уулаг алдан байлаа. Лус нь гарч ирж байна гээд л. Зөвхөн харагдах хүндээ л харагддаг гэнэлээ. Их том могой байсан. Азаар зургийг нь авч чадсан шүү гэж. Ийгээд энергийн төвөөс сайхан энерги авч, хүслийн Баянзүрх хайрхандаа сүсэглэн мөргөж ихийг гуйгаад хэ хэ их зүйлийг бодсоор буцан ирлээ дээ. Харин хотод ирсэн чинь үнэхээр хүйтэн байсан шүү. Даарч байна аа гэж. Бас л замдаа үүргэлээд машиндаа хоёрдахаа шпрот болон суугаагаараа унтлаа шүү дээ.

JD

Ангийнхан жийдэгшт

Хүний амьдрал чинь их сонин юм аа. Чамд ч гэсэн тохиолдож байсан байх л даа тээ. Би арван жилд байхдаа Мөнгөнсүх, Ууганбаатар, Гантөмөр гээд дээр нь би нэмэгдээд Жадамбаа буюу МУГЖ гээд нэг бүлгэм байлаа. Аая үнэхээр сайхан найзууд байсан. Хамтдаа хичээлээ давmана. Гадуур сэлгүүцэнэ гэж байгаа. Үгүй ээ тэгээд бүгд сургуульд ороод л тарсан. Уулзах тоо, ярилцах тоо цөөрөөд л. Нэг мэдхэд сургууль төгссөн. Бүгд ажилд ороод л таг чиг болсон. Тэгсэн манай нөгөө хэд ангийнхан надад хэлэхгүй бараг л байнга шахуу уулздаг юм байна. Би гэнэт санаандгүй залгаад мэдчихсэн. Тэгсэн өөдгүй амьтад надад хэлдгүй байсан байгаан. Шалтгаан нь ажилтай байгаа байх. Том дарга болсон тоохгүй байх нь энэ тэр гэдэг байгаа. Юу гэж дээ. Тийм биз дээ найз аа. Нэг үг байдаг штээ. Энэ хорвоогийн хамгийн сайхан сэнтийд ч чи бөгсөөрөө л сууна гэж. Бас нэг үг байдаг. Ард түимнгүй ноён гэж байдаггүй гэж. Би чинь найз нөхөдгүйгээр хаашаа ч явахгүй. Дээр нь би хэн ч байсан миний найз л бол миний найз шүү дээ тээ. Арван жилийн найз, Их сургуулийн найз, Ажлын найз, Бизнесийн найз, Эмнэлэгийн найз, Архины найз гүй ээ тэгээд мөн олон найзууд байдаг даа. Гэхдээ л нусан багийн найз бол нусан багийн найз шүү дээ. Би бүр гомдоод. Арай ч дээ гээд хэлэх ч үг олдсонгүй. Уул нь нэг их гомдоогоогүй л юмсан. Ямар сайндаа гомдсон сэтгэлээ блогтоо чихэж (оруулах, блогтоо бичих гэдэг үгсийг зэрлэгээр хэрэглэв хэ хэ) суухав дээ. За нэг иймэрхүү. Муухай гомдсон бичлэг уншуулсанд уучлаарай.

JD

Сайхан намаржиж байна уу. . .

Сайн уу найз минь. За юу байна аа. Ойрд уулзсангүй. Сонин сайхан.

Чи: ... Өө юу байхав дээ. Ажлаа хийгээд л.(Мушилзана) Хэ хэ.\
Би: Ажил сайн уу хө. Эрэгтэйд нь эхнэр сайн уу. Найз охин сайн уу. Харин эмэгтэйд нь. Ойрд шоудаж байна уу. Ха ха гээл.
Чи: Эрэгтэй нь. Сайн сайн. Хүүхдээ цэцэрлэгт өгсөн. Өглөө өгөхөөр уйлаад аймаар байна аа. Харин эмэгтэй нь. Юун шоу вэ. Ажлаа яаая гэж байхад. Харин чи.
Би: Эрэгтэйд нь. Харин тийм байх тээ. Ямар цэцэрлэгт өгсийн. Эхэндээ тэгж байгаад яваандаа гайгүй болдог гэсээн. харин эмэгтэйд нь. Найз нь ямар шоудах биш дээ. Нөхөн сонгууль эхлэх гээд бөөн ажил л байна. Ха ха. Ёоо бичсэнээ харсан чинь инээд хүрчлээ. Ингэх байсан болов уу. Эсвэл өөр байх болов уу. Юутай ч үл мэдэх миний блог уншигч найздаа мэнд хүргье. Хааяа бодхоор миний бичлэгийг уншиж суугаа тэр хүн ямар хүн байдаг бол нэг харьцаж үзэх юмсан гэж их бодох юм аа.

Ийгээд хэд гурван үг байна аа. Хэн нэгэнд хэлмээр санагдаад л...Хоёр.

Нэг. Ойрд ажил их байна аа. Би нээрээ энэ зам түгжрэлд үнэн дургүй хүрч байна аа. Энэ хотын удирдлагууд замын тендэрийг яагаад заавал хавар зарладаг юм бол оо. Өвөл зарлаад хавар бороо орохоос өмнө эхэлж болдоггүй юм болов уу. Иргэд жинхэнэ ажиллаж эхлэхээр л бөөн ажил болгох юм. Уул нь сайхан болгох гэж байгаа ажилд нь баяртай л байна л даа. Гэвч арай л их төвөг удаж байна шүү гэж. Уурласан уураа энэ муу хэдэн товчлууртаа гаргаж блогтоо л хүслээ чихэх юм даа мань мэт ч. . .

Хоёр. Бензиний үнэ нээрээ солиорч байна аа тээ. Ядаж байхад миний машин А95 хийдэг гэж байгаа. А92 хийхээр өмхий үнэртээд явахгүй юм. Ха ха. Санаа зовоод хүмүүс ярвалзаад байгаа юм шиг санагдаад. Хөдөө ганцаараа байсан бол ч хамаа ч алга л даа. даанч би чинь олон дунд амьдарч байгаа болохоор яах ч арга олдохгүй юм.

Гурав. Энэ бол харин сайхан мэдээ шүү. Зарим нэг нь санаж магадгүй дээ. Би чинь өнгөрсөн УИХ-ын сонгуулиар гэнэт нэг Баянмонгол гэж хөдөлгөөний тэргүүн болоод л солиорч өгсөн штээ. Яагаав нөгөө уул уурхайг үндэсний корпораци байгуулан ашиглана гээд л. Тэгсэн тэр төсөл минь амалсан ёсоор явсааран байгаад(хэ хэ) энэ намрын чуулганаар хэлэлцэгдэх болсон шүү дээ. Би ч сайхан зүйлийн эхлэлийг тавьсандаа их азтай хүн гэж өөрийгөө бодоод байгаа шүү. Миний найз сонирхомоор байвал www.bayanmongol.mn гэсэн вэб хаягаар нь нэг ороод гараарай гэж.

Дөрөв. За дөрөвдэхээ бичих гэсэн чинь бензин дууслаа гэж... Дараа тэгжийгаад дөрөвдэхийгээ бичнэ ээ.

За за баяртай найзаа. Өө нээрээ Билгээ найзтайгаа нэг уулзаж зураг блогтооо хэрхэн чихэх тухай сайхан мэдээлэл авч байгаад зуны авсан хэдэн сор бүтээлээ танилцуулана аа. Ок.

JD

Ажилдаа. . . Яг нөгөө мориндоо гэж байгаа юм шиг.

Сайн уу найзаа. Сайхан амраад ирсэн биз дээ. Өнөөдөр манай ажил бараг албан ёсоор эхэлж байна. Өглөө эрт босоод хожигдчихгүй юмсан гээд давхиад ирэхгэсэн чинь гэрийн тог тасраад балардаг штээ. Ямар цамцаа индүүгээр халтал нь үрэлтэй биш ёстой нэг хөгөллөө дөө. Тэгээд тог ч ирсэнгүй би ч нэг юм ажилдаа аргалаад ирлээ. Аан. Цамцаа яасан бэ? хэ хэ хэлэхгүй ээ. Тэр нууц. Дараа яахав тоггүй үед аргалах тэр аргаасаа зааж өгнө за. Юутай зуны ганц сар сайхан өнгөрлөө. Энэ их бороог үл тооцвол штээ. Ядарсан муу хотыг минь дарлаж байгаа юм шиг их бороо орох юм аа тээ. Хөөрхий муу хот минь тэгээд муу дээрээ муухай, муухай дээрээ улцан гэдэг шиг л болчих юм. Машинаа угаалгалаа шавар ёстой нэмэргүй. Одоо бүр машинаа тоохоо ч байсоон. Шавартай л байгааз. Хот өөрөө тэр чигтээ шавар байгаа юм чинь гээд хаясан. Мөнгөний ч гарз юм билээ. За тэгээд юу хийж амрав. Би нутаг явж сайхан наадам хийгээд ирсэн. Монголд адууны 13 хурдан угшил албан ёсоор бүртгэгдсэн юм байна. Тэр угшлуудынх нь 2 нь Дорноговь аймгийн Дэлгэрэх сум буюу миний төрсөн суманд байдаг юм байна. Ийгээд хэсэг нөхөдтэй нийлээд тэр угшлийнхаа наадмын хийчихээд ирлээ. Сайхан болсон. Олон газраас морь ирж их ч юм боллоо доо гэж. Нээрээ энэ өнгөрдөг хавар манай ах нэг сайн хээр морио зарсан юм тэгсэн нөгөөх нь улсад ирээд түрүүлдэг байгаа. Нөгөө Ховд аймгийн Делоний Баатархүү гээд байгаа нөхөр л дөө. Тэгээд ч тэр үү гаднаас хүн их ирсэн шүү. Дараа тэгж байгаад авсан фотогоо танилцуулана аа. За одоо тэгээд мориндоо. . .

JD

Би төржээ...

Би сайн санадаг юм даа. Одоогоос нилээн хэдэн жилийн өмнө Бурхан багш намайг энэ Дэлхийрүү илгээсэн юм. Гэхдээ би Есүс шиг пүнзэнд төрөөгүй л дээ. Бусдын л адил эмнэлэгт төрсөн юм. Харин нэг хачирхалтай зүйл болсон нь намайг төрөөд нүдээ нээсэн чинь нэг тарган шар хүүхэн гар дээрээ барчихсан эрэгтэй юм байна гээд эрхтэнрүү минь харж байдаг байгаа. Дургүй хүрээд тэр өрөөгөөр нэг орилсон чинь яасан шажруун бацаан бэ гээд түмпэнтэй усанд хийдэг байшт. Би ч яахав орилоол байсан. Гараа савчаал таарсан болгоноо цохчих гээл тэгсэн чинь шууд даавуунд ороогоод гарыг минь хүлээд дээшээ харуулаад хэвтүүлэдг байшт. Бүр уур хүрээд ингэж байхаар үхье гээд хоол унд идэхгүй овоо өлсгөлөн зарлаж байсан чинь хүчээр сүү өгөөл эхэлсэн дээ. Үнэхээр хүний эрх гэж хаа байна аа гэж бодоод дуугаръя гэсэн ч үнэндээ үг ч гарахгүй байгаа юм чинь. Бараг 4 жил юу ч яриагүй ээ гэрийнхэнтэйгээ хэвтээл байсан. Өмдөндөө авчаал, дуртай газраа шээгээл. . .

Сонин хүн чинь их удаан олон жил хэвтхээр тэнцвэрээ олж явж чаддагүйн байна билээ штээ. Аймаар сонин байгаа биз. Гэхдээ яахав тэгээд яаж ийж байгаад явсан. Олон жилийн дараа эргээд харахад би ч их ууртай байж дээ гэж бодогддог юм гээээээээл балайраад байхгүй юу. Хэ хэ. За энэ бол наргиа байлаа. Өнөөдөр найзынх нь төрсөн өдөр байгаа юм аа. Тэгээд л энэхүү бичлэгийг хийж байна. Юуны өмнө энэ хорвоод тээж төрүүлсэн ээждээ. Хүн болох замыг нээсэн аавдаа их баярлалаа. Та хоёрынхоо асар их хөдөлмөрийн үр дүнд би бий болж энэ хорвоогийн нэгэн хэсэг боллоо. Хүний хорвоод хүн шиг явж блогчин найзуудтайгаа сэтгэлээ хуваалцаад суух энэ мөч үнэхээр амьдралын аз жаргалын нэгэн хэсэг юм байна. Баярлалаа Ээжээ, Баярлалаа Ааваа.

JD

Үргэлжлүүлэн бөөндөе өө гэж. . .

Ийгээд Япон явчаад ирсэн гэж байгаа. Япон ч яахав дээ сайхан л орон байна билээ. Гэхдээ нэг дүгнэлт хиймээр байна. Энэ бол юу гэвэл ерөөсөө бага газарт их хүнийг хэрхэн яаж багтаах онолыг тэд жинхэнэ утгаар нь гаргаад бас хэрэгжүүлсэн юм билээ шүү. хэ хэ. Тэгээд хэсэг сайхан амарч байснаа долоон сарын эхээр нээрээ Лондон явсан гэж байгаа. За даа Лондон ч харин ч нэг юун Америк, юун Япон юм билээ штээ. Үнэхээр сайхан байсан. Гэхдээ нэг асуудал байсан нь би эндээс явахаасаа 14 хоногийн өмнө нөгөө бялдаржуулах клубийнхээ хэсэг нөхдийн хамт салхинд гарсан юм аа. Тэгж сагарч явахдаа шөнө нэг их даараад тэгсэн чинь гар минь өвдөөд тэр өвчинтэйгээ Лондон явсан. Онгоцонд суухаас эхлээд иртэл харин ч намайг зүгээр л алсан доо. Амьдралдаа тийм аймаар их олон хоног дараалсан өвдөлтийг мэдэрч байгаагүй болохоор зүгээр болгоод өгье гэсэн хэнд ч юугаа ч өгөхөд бэлэн явлаа штээ. Дэлхийн үнэхээр л соёлын төв гэж хэлж болохоор газар юм билээ. Үзэх юм үнэхээр ихтэй. Дэлгүүрүүд нь ядаж байхад зуны хямдрал 70 хүртэл хувь зарлачихсан ёстой лайтай байсан гэж байгаа. За энэ нь ч яахав. Сайны хажуугаар саар гэж бас зүйлүүд их байдаг юм билээ. Тэнд бараг албан бусаар 8000 орчим Монголчууд ажилладаг юм билээ. Монголчууд ордог баар байна. Пивоны газар ч байсан. Монгол эзэдтэй гэж байгаа. Тэнд сууж байхад нэг хэцүү юм нь яг Монголд байгаа юм шиг сэтгэгдэл төрж байсан. Хэ хэ. Архи уугаад хоорондоо муудалцаал, хэсэг хэсгээрээ бие биенээ чихдээл. За даа ер нь л хүнд юм билээ дээ. Би чинь тэнд зүгээр явж байгаад л агсан тавиулаал бараг л зодуулах гэж байна билээ штээ. Нэг Монгол залууд хэ хэ. Үнэхээр учраа олоод явж байгаа нь гэхдээ 98 хувь нь юм билээ шүү. Монголчуудын хувьд дотроо их үечлэлтэй юм билээ. Манай охид их нэр хүнд муу юм шиг санагдсан шүү. Өөрсдөө ч гэсэн бас хүлээн зөвшөөрч л байна билээ. Тэнд байгаа нөхөд. Яахав дээ нөгөө нэг үхрийн эвэр доргихоор нөгөө үхрийн эвэр доргино гээч нь л юм билээ л дээ. Тэрнээс юу гэж л бүгд тийм байхав дээ. Эндээс очсон бараг ихэнх залуус Монгол улсын элчин сайдын яамаа хаана байдгийг мэддэггүй юм билээ. Элчин хэлэхдээ албан ёсны бүртгэлтэй 1500 хүн байдаг гэж байна билээ. гэтэл албан бусаар 8000 гэхээр бас л аан. Асар байгаа биз...

Ийгээд одоо сайхан амарч байна даа. Нээрээ өнгөрсөн зуны наадмаар санаандгүй байж байгаад хуушуур хийсэн энэ зун арай тэгсэнгүй ээ. Хэ хэ. Гэхдээ сураг сонсохнээ шуухуурдсан бол шатах байсан байна билээ. Бас асуугаад байгаа. Соёолонгийн тоосонд дарагдах гээд очсон чинь машин, хүний шороонд дарагдаад, дараа нь моринд даруулаад л дуусах шив дээ. Манайхан чинь тэнд зүгээр л цугларсан байна билээ штээ. Арабийн нэг алан хядагч харсан бол яаая энэ дунд нь бөмбөг тэслэвэл ч дуусахнаа гэж л харагдахаар байна билээ. За даа нэг иймэрхүү л байх шив дээ. Ойрд тэгээд хагас амраад байгаа болохоор илүү дутуу нэг их юм бичих сэдэл ч төрөхгүй юм байна оо. Тэгжийгаад нэг сайхан юм бичимж ok. За тэгээд найз минь зун дуусах бас ч болоогүй байна шүү. Сайхан саваад байгаарай.

JD

За нэг бөөндчих үү дээ...

Сайхан зун болж байна шүү тээ. Ойрд энэ интернэт гэдэг сайхан юмрүү чинь орсонгүй ээ. Үгүй ээ мөн сайхан эд юм аа гэж... Найз нь харин ойрын үеийн сонин сайхнаа гэнэтнэг бөөндмөөр санагдаад тэгээд л тэр. Хараад байсан чинь нилээн хэдэн сар бараг л энээ тэрээ юм ерөөсөө бичээгүй байна. ийгээд хэсэг хугацааны сонин сайхнаа хуваалцахаар шийдэв. Хавар бол яахав нөгөө алдартай Ерөнхийлөгчийн сонгууль болох гээд бөөн юм болж болж нэг юм манай нам ялсан. За нэг үгээр хэлбэл ард түмэн хүссэн байсан бас дээр нь өмнөх хүнээс залхсан байсан гэж. Ийгээд нээрээ дундуур нь АНУ-ын Лос Анжелес явсын байна шүү. LA ч бас л сайхан газар байна билээ шүү. Гэхдээ хараад байхад Мексикүүд нь ямар их юм бэ? тээ. За Солонгосууд бол аймараа аймаар. Бараг 3 сая орчим Солонгос байдаг гэвэл итгэх үү. Хаа очиж их сайхан цус холилдоод ер нь царай зүс, бие хаа бол тасарчихсан юм билээ. Бусад яахав байдаг зүйлүүд бүгд байдгаараа л байсан л даа. Тэгээд дараа сард нь нээрээ JCI-ийнхаха найз нөхдийн хамт Япон явав. Хэ хэ. Энэ жил гадгаад улсруу явах ажлыг бөөнддөг жил юм уу хаашаа юм дээ. Япон ч бас л давчуухан хорвоо байна билээ шүү. Бод доо. Аминдаа л бас стандарт буудалд буусан. Тэгсэн чинь ерөөсөө өрөөнд ороод л ор. Орноос дээшээ зурагт хана. Хажууд нь жижиг хаалга нээсэн яасан онгоцны нойл шиг жижиг нойл хөшиг татсан яасан душ. Хэ хэ. Үнэн лайтай. Цонхоо нээлээ хана. БАс цонх. Ёоо бүр үнэхээр л амиа хорломоор ертөнц. . . За найзаа юу яаая ирээд үргэлжлүүлье. Гэнэт ажил гарав.

JD

За юу байна аа...

Сайн уу. Энэ үг бол Монголчууд гэлгүй Дэлхий нийтийн хүн бүрийн харилцааны эхлэл үг гэж хэлэхэд нэг их буруутахгүй байх. Учир нь хүн бүхэн л сайн уу найзаа, хөгшөөн, хамаа, эмээ, өвөө, ээжээ, ааваа юу юу ч билээ дээ явж өгдөг. Тэгсэн ойрын хэдэн жилд нэг шинэ үг моодонд оржээ. Тэр нь за юу байна хөгшөөн. Заримдаа хүн тэгэхээр сандраад юу ч байхгүй ч гэлтэй биш аягүй эвгүй байдалд орох юм аа. Ямар сайндаа л за юу байна хөгшөөн гэхээр нь өө тэгээд сайхан сэтгэл, хөөрхөн царай, мөнгөтэй түрийвч л байна штээ гэж энэ тэр. Аминдаа ийм байх юмсан гэж мөрөөдөж байгаан хэ хэ.

Ажиглаад байхад Монгол хэлний энэ утга ер нь их алдагдаад байх шиг байна тээ найзаа. Бодвол чи анзаарч л байгаа биз дээ. Би блогоо уншихаар утгын алдаа үгийн алдаа бол надад ная байдийштээ. Гэхдээ би ч нэг их тоодоггүй л дээ. Арван жилдээ Монгол хэлэндээ муу л хүн байсан юм байгаа биз тээ гээл үү. Би гэхдээ өөрийгөө өмөөрөх гэгээгүй юм шүү. Нэгхэн шалтгаан байгаан. Би санадаг юм даа 1990-ээд оноос эхлээд Монголд маш их терорист ажиллагаа явсан штээ. Тэрний нэг нь энэ боловсролын салбарын терор ажиллагаа байгаа юм. Хэн нэгэн цээжээ дэлдэгч нь Монгол бичиг уйгаржин бичиг үзэхгүй бол Монголоо алдах нь энэ тэр гээд нэгдүгээр ангиа арай гэж төгсөөд цүнхээ чирээд хоёрдугаар ангидаа ороод ирсэн чинь гэнэт гуравт оруулаад тэгээд абу, эбү гээд ёстой нэг шааж өгсөн штээ. Тэгээд тав хүртлээ лаг уйгаржин болчихсон ах явж байсан чинь энх тайвны корпусийн шугамаар нэг Майк гэдэг нөхөр ирээд Англи хэл үзсэн. Англи хэлний ангид ороод л үсгээ үзээд баяраа хийгээд нөхөр буцсан. Дараа жил нь Диана гээд нэг хүүхэн ирээд манай ангид дахиад үсэг заасан. мэддэг болхоор алдаг оног сууна. Харин долоод ордог жил нэг Жоом гэж нэртэй нөхөр ирээд гар чинь дахиад үсэг заадаг байшт. Хэ хэ. Дургүй хүрээд Орос хэлний ангид орсон чинь уже давно. Холоо хоцорсон байсан. Ингээд манай нэг үе Крилл үгүй, Уйгаржин үгүй, Англи үгүй, Орос үгүй болсон доо. За нэг ийм л ажиллагаа болсон доо. Үнэн гэвэл хэ хэ. Бас л алж байгаа биз тээ.

JD

Миний муусайн найзууд

Өнөөдөр яагаад ч юм гадаа нэг л сонин байсан. Гэхдээ өнгөрсөн хагас сайн өдөх бүр ч их сонин өдөр байсан юм. Ер нь л хагас сайн өдөр жаахан тиймхэн байдаг штээ. Орой ажлаа дуусгаж ирчихээд ганц нэг материал хүнд гаргаж өгөх санаатай PC-гээ нээсэн юм аа. Гэтэл хуучны анд Хурцаа маань орж ирээд надад маш сонин мэдээ өглөө. Хүнд олон сайхан найз байдаг юм. Гэхдээ найзууд бүр өөр өөр байдаг та үүнтэй санал нийлэх байх аа. Миний нэг хуучин анд минь өвчнөөр өнгөрсөн тухай хэллээ. Арай ч дээ. Найз минй цагаан сараас хойш эмнэлэгт хэвтээд онош нь тодрохгүй явсаар өнгөрсөн гэнэ. Би яагаад ийм сүүлд мэдэж байгаа юм болоо...

Би зүрхэндээ уйлж байна. Миний энэ шанлалийг хэн ч ойлгохгүй байх аа. Би оюутан байхдаа Баранд ажилладаг байсан юм. Тэр үед би талийгаач болон хэдэн найз нартайгаа 120-д байр хөлслөөд амьдардаг байж билээ. Миний найз толгойны алчуур их зүүдэг залуу байсансан. Тэр нь гоё зохино. Охид ч мөн их дурладаг байсан. Би хааяа найзынхаа хувцаснаас нь гуйж өмсөж энд тэнд гангардаг байж билээ. Дээр нь хөгжмийн асар их авъяастай DJ байсан юм. Маш сайхан инээдэг энгийн нэгэн залуу энэ хорвоог орхилоо. Бид бүхэн хэзээ энэ хорвоог орхихоо мэдэхгүй яасан ч хайран сайхан цагийг өнгөрөөдөг юм бэ дээ. Миний найзаа чамайг ингэж удаан өвдөөд явж байхад мэдээгүй, нэг ч удаа дууг чинь, дүрийг чинь сонсож үлдээгүй намайг уучлаарай. Чи найзуудынхаа дунд, олны дунд гэрэл мэт гялалзаж явсан шүү. Яагаад заавал чи гэж. Хүн өвдөж л байдаг штээ. Гэхдээ босоод л ирдэг штээ. Би үнэхээр их гашуудаж байна. Хайран сайхан залуу. Муу ээж чинь яасан их шаналж байгаа бол доо. Харамсаад ч хашгираад ч... Үүрд баяртай найз минь.

Миний найз үүнийг уншиж байгаа бол удаан уулзаагүй найз найртайгаа ажил гэж гүйсээр байгаад мартах шахсан тэр сайхан андтайгаа заавал холбоо бариад уулзаарай...

JD

За ажил ч дууслаа, Амралт ч эхэллээ гэж. . .

Сайн уу найзуудаа. Юу гэдэг билээ дээ нэг сайхан зүйр үг байдаг даа. Утга нь нь нөгөө нэг яаагаав. Цаг хугацаа явж л байдаг. Болдог юм болдгоороо л болдог гэдэг шиг л. Тэрэн шиг өвөл дууслаа. Хавар боллоо. Зун цаг сайхан эхэллээ. Сая хэд хоног хотод бороо орсон юм аа даа. Их сайхан өнгө зассан байна. Яагаад ч юм зун болохоор тэгдэг юм болов уу нэг л гэгэлзээд байх юм. Энэ зун бодвол манай найзууд сайхан л амрах төлөвлөгөө хийж байгаа байлгүй дээ тээ. Гадаадад аялах, хөдөө явах гээд л аан. Юутай ч найз нар минь энэ зун үр бүтээлтэй сайхан амраарай. Амжилт хүсье. . .

JD

Өнөөдөр бороо орлоо...

Сайн уу найзуудаа. 40 хоног шахуу сонгуулийн ажил гэж гүйгээд энэ муу хөөрхий блогоо бичих ч зав байсангүй ээ. Хоног хугацаа ер нь их хурдан өнгөрөх юм аа. Саяхан л сонгууль эхэлж байсан чинь нэг мэдэхнээ дуусах гэж байх юм даа. Би өмнө нь маш олон гэж хэлж болно доо өөрийнхөө хувьд том жижиг олон сонгуульд оролцсон юм. Гэхдээ энэ удаагийн сонгууль их сонирхолтой санагдлаа. Яагаад ч юм их өвөрмөц сонгууль болдог юм байна. Та бүхэн өөрсдөө анзаарсан биз дээ. Гэхдээ нэг зүйлийг хатуу ойлгож бас зарчмаа болгохоор шийдсэн. Өнөөдөр Монгол улсад Үндсэн хуулийн дагуу УДШ-д бүртгэлтэй байгаа бүх намууд өөр өөрийн гэсэн үзэл баримтлалын дагуу энэ улсыг хэрхэн хөгжүүлэх тухай хөтөлбөрөөрөө өрсөлддөг. Энэ бол онолын ойлголт. Гэтэл амьдрал дээрээ учрыг нь олоход ч их бэрх харагдах юм. Хэн нэгэн нэр дэвшигчийг амьд оршин байх газаргүй болтол нь муулж бас гүтгэх юм. Тийм болохоор бидний үеийн улс төр хэзээ ч битгий ийм байгаасай. Харин хийж бүтээх тэр зүйлээрээ өрсөлддөг байгаасай гэж хүсч байгаа болохоор энэ бүх муу муухай бүхнийг л давтахгүй байхын төлөө ажиллах хэрэгтэй юм байна. Өнөөдөр сайхан байснаа гэнэт орой бороо орчих юм. Энэ бороо ямар нэгэн зүйл хэлээд байх шиг надад санагдаад байна. Магадгүй миний найз юу хэлээд байгаан болоо Жадамбаа гэж надаас асуух байсан байх л даа. Яг миний хажууд сууж байсан бол. Хэрвээ чи надааас тэгж асуусан бол нэг л зүйл хэлэх байлаа. Энэ бороо муу муухай бүхнийг угааж сайн сайхан зүйлс дэлгэрэх тэр хөрсийг бүрдүүлж байгаа юм аа гэж хэлэх байлаа. Надад өнөөдрйин энэ бодит амьдрал дээрх дүр зураг үнэхээр хүнд санагдаад байх юм. Бид жинхэнэ амьдрал дээрээ өөсрдийгөө хуурч амьдарч байна. Магадгүй хорин жилийн дараа жирийн нэг Монгол иргэнээс энэ үеийн тухай энэ үеийн улс төрчдийн тухай асуувал чөтгөр аваг тэднийг биднийг нохой шиг амьдруулж байсан шүү дээ гэж хэлэх байх. Та үүнтэй санал нийлэх байх аа. Амьдралын анхан шатны баталгаа байхгүй залуучууд бид өнөөдөр хаана очиж хэний золиос болох оо мэдэхгүй явж байх шиг ээ. Чи санаж байна уу. Саяхан нэр дэвшигч Ц.Элбэгдоржийг Солонгосоос мөнгө авсан гэж гүтгэсэн Цоггэрэл гэж нөхөр. Жинхэнэ амьдрал дээрээ бол зүгээр л энэ сонгуулийн золиос болчихлоо. За тэгээд олон залуу энэ сонгуулийн хэдхэн лидерийн хоорондын үгийг зөөж золиослогдож байх юм. Магадгүй миний үзэл баримтлал. Чи юу гэж хуцаад байгаан би бараг харсан юм үнэн за юу гэх хүн ч гарах л байх л даа. Гэхдээ л бид нар яагаад надаас хэдхэн жилийн өмнө түрүүлж төрөөд илүү оймс элээсэн тэр ах нарын золиос байх ёстой юм болоо. Өнөөдөр оюутан хүнийг байнгын оршин суух хаяг дээрээ байхгүй байгаа тэр үндэслэлээр нь саналыг нь ч өгүүлчихгүй байна шүү дээ. Бусад оронд за болъё өндөр биш ч манайтай ойролцоо хөгжилтэй орон хүртэл иргэнийхээ саналыг гадаадад нь очоод ч болтугай авчихаж байна шүү дээ. Гэтэл бид хэдхэн км цаана эх орондоо байгаа оюутнуудынхаа санал өгөх асуудлыг шийдчих боломж байсаар байхад зүгээр л энэ удаагийн сонгуулийн золиос болгож өөртөө ялалт авч ирэх нэгэн хэрэгсэл болгон ашиглаж байгааг харахад үнэхээр харамсмаар ч юм шиг. Нэг л тийм айдастай сэтгэл төрөөд байна. Бид чинь хэдэн оны хэдэн сарын хэдэн буюу ямар нийгэмд л амьдраад байгаа юм дээ. Бас л одоо нэг бодох цаг болоод байх шиг санагдаад байна шүү.

За юутай ч мэдээж чи энэ бичлэгийг Даваа гараг ч юм уу ямар ч байсан сонгууль дууссан хойно унших байх. Тэр үед . . .

JD

Харин тийм гэнэ ээ. . .

Уучлаарай. Өглөө нэг сайхан санаа төрөөд тэгээд нөгөөдхөө бичсэн чинь аз болж тэр холбоо нь аль дээр байгуулагдсан үйл ажиллагаа явуулдаг юм байна. Тэгэхээр санаагаа хэлээд ажил болгох л үлдсэн юм байна. Манайхан ч сайн юм оо. Дор нь л холбоогоо байгуулаад үйл ажиллагаагаа жигдлээд авсан байна. За тэгээд холбооны удирдлагад болон гишүүдэд нь ажлын амжилт хүсье. Ихийг бичиж, ихийг сэтгээрэй. Үр дүн чухал шүү гэж. Мөн үү.

JD

Сайхан өглөө байна. . .

Ойрд ажил их болоод блогоо ерөөсөө анзаарахгүй явсаар нэг мэдсэн чинь нилээн уджээ. Яагаад ч юм өнөөдөр гэнэт нэг сайхан зав гараад өглөө хэсэг хугацаанд тэгээд л блогоо харж сууна. Энэ хавар их сайхан Хавар болж байна аа. Мөн үү хэ хэ.

Сонгууль болоод ёстой нэг толгой өндийлгөхгүй байна. Би бодоод байсан чинь бараг сүүлийн хоёр жил дагнан сонгуульдаж байгаан байна. Их Хурлын сонгуулийн бэлтгэл, Их хурлын сонгууль, дараа нь орон нутгийн сонгууль. Ядаж байхад нөгөөх нь бас дахисан гэж байгаа. Адаг сүүлд нь Ерөнхийлөгчийн сонгууль. Ийгээд сонгууль дуусаад нэг жил жоохон ажил хийх гэж байтал дараагийн сонгууль ойртоно доо гэж. Бас л аан. Яаж энэ орон хөгжихөв дээ. Тэгээд нэгнийхээ хийх гэж байсан жоохон ажлыг нь дараагийн ах гарч ирээд мянгжуужингийн үлгэр болгоод дуусна даа гэж. Мөн үү.

Энэ улсад нэг сайн төлөвлөсөн бодлого л үгүйлэгдээд байх юм даа. Тийм үү.

За энэ улс төр энэ тэр ч яахав. Мартсанаас мал мэнд үү гэдэг шиг. Манайхан энэ Улаанбаатар ТВ-ээр гараад байгаа нэг кинонд ёстой нэг Халтар Царайт үздэг байсан шиг автжээ тээ. Тэр нээрээ одоо юу болсон бэ хэ хэ. Хамгийн сүүлд хальт нэг харахад далайд үхдэг нөгөө нэг баян айлын охин таксинаас бууж байгаа харагдсан гээл үү хэ хэ.

Найз аа нэг санал байна л даа. Энэ юу вэ гэхээр блог эрхлэдэг залуучуудын хобоо гэж байгуулвал яасан юм бэ. Тэгээд долоо хоног бүр шилдэг блог бичсэн блогчин ахын нэг материалыг өдөр тутмын сонинд нийтлээд маргааш нь шууд нэвтрүүлэг хийгээд яг тэр сэдвээр нь хөөрөлдвөл яаж байна. Уул санаа нь бол нийгэмд өгөх гээд байгаа, шүүмжлээд байгаа, засах гээд байгаа бодлоо л ил гаргах бас ажил болгох юм л даа. За энэ тэгээд миний санаа шүү. Хэрвээ дэмжиж байвал цааш нь дамжуулаад нэг сайн ажил болгоё л доо. Хараад байхад яг энэ интернэт ертөнцдөө л бид амьдраад байх юм. Одоо жоохон гараад олон түмэнд харагдаад жинхэнэ утгаар нь хийе л дээ аан. Би бол энэ талаар нэг хэдэн хуудас төсөл шиг жаахан юм ажлынхаа заваар хийсэн байгаа. Найз тэгээд дэмжвэл саналаа бичээд холбогдоорой доо. ок. За нэг иймэрхүү.

JD

Мөн үү. . .

Ойрд ТВ хараагүй байж байгаад харсан чинь хөөрхөн реклам их хийгджээ. Мөн үү. . . Нөгөө яагаав киноны. Ийгээд хэдэн санаа төрлөө.

Ерөнхийлөгчийн сонгууль болоод ард түмний сендром эхэлж байгаа гэнэ ээ. Мөн үү. хи хи.

Ард түмэн ядарч туйлдаад өлсөж явахад манай Ерөнхийлөгч чинь улсаасаа баян гэнэ ээ мөн үү. . .

Монгол Ардын Хувьсгалт нам нөгөө алдарт сая таван зуугаа өгнө гэж ээ. Гэхдээ Н.Энхбаярыг сонговол гэнэ. Тийм үү.

Хавар болоод ард түмэн сэтгэл нь тэнийгээд их л сайхан байна. Гэвч амьдрал нэг л барзгар байна. Тийм үү.

Манайхны нээрээ ойрд гаргаад байгаа энэ кинонууд нь үнэн дажгүй болжээ. Их л сайжирч дээ тээ. Та нарт ирээдүй байна шүү киночидоо. Мөн үү.

За даа ингээд цааш нь сийрүүлэх байх даа тээ. Миний муу жижигхэн тархи хүрдгүй ээ.

JD

Сайн уу найзуудаа

Юу байна аа эрхэм хүндэт блогчидоо. Ойрд та хэдтэйгээ уулзаагүй сайхан байна шүү. Найз нь ойрд улс төрийн ажил ихдээд үнэн завгүй байна аа. Бодоод байсан чинь бараг хоёр жил завсаргүй улс төр хийчихсэн байх юм хэ хэ. Бас л аан. Одоо энэ Ерөнхийлөгчийн сонгуулиар Ардчилсан Ерөнхийлөгчтэй болчихвол санаа амрах гээд байдаг. За энэ ч яахав. Нэг хэсэг хямрал хямрал гээд л алчих гээд байсан чинь юу болов гэмээр гэнэт таг дуугүй болчихлоо тээ. Яагаад дуугүй болчихов. Эсвэл би мэдээллээс тасарчихаад байна уу.

Миний энэ бичлэгийг уншиж байгаа эрхэм блогчин найз минь хариу бичээрэй дээ хэ хэ. Сониноос Хавар болоод сэтгэл гэгэлзээд аймаар байна аа тээ. Хуучны юмс бодогдоод хааяа өдрийн цайны дараа ажлаа ч тайван хийж чадахгүй юм хэ хэ. За за наргиа шүү. Ойрд харин ёстой сайхан дулаахан байна шүү. Яагаад ийм дулаахан байгаа юм болоо. Өвөл хаана байсан бэ өөрөө гэмээр хөөрхөн охид шалдан нүцгэн л гүйгээд байна ингэж байж тэнгэр задраах вий дээ гэж.

Юутай ч энэ удаа нэг их сонин содон юм бичих гэсэнгүй ээ зүгээр л мэндчилмээр санагдаад хэдэн үг сийрүүлэв. Юутай ч анд минь ажилд нь амжилт хүсье. Монгол хүн амныхаа бэлгээр гэж. . .

JD

Сэнтий. . .

Цогтсайхан зураачийн хошин зургуудыг үзэж суухдаа нэг зургийг их сайн ажиглаж харлаа. Тэр зурган дээр даргын суудал засаад дээр нь зул асаагаад мөргөж байгаа нэг зураг байна л даа. Гайхаад хараад байсан тайлбар дээр нь хөөрхий албан тушаал их хүсдэг хүндээ гэсэн утга бүхий нэг өгүүлбэр байна. 2*2=6 гэсэн нэгэн хар хавтастай ном байдаг юм. Та сайн мэдэх байхдаа. Тэр номон дээр нэгэн аугаа үг байсан юм. Энэ хорвоогийн хамгийн сайхан сэнтийд ч та бөгсөөрөө л сууна гэж. Нээрээ бид нэг амьдрах энэ насанд өөрт тохирох хувцас, хоол гээд хэрэглээний зүйлүүдтэй. Тэрнийгээ мянга хэтрүүлэх гээд ч нэмэргүй. Нөгөө хэмжээндээ л байна. Эсвэл олон хувцас байлаа гээд өмсөх өдөр нь цөөдөнө гэж. Үүнтэй адилаар сүүлийн жилүүдэд бидний энэ оюун ухаан хэт их ерөнхий болоод дээр нь сайхан өндөр албан тушаалын суудалд очих юм бол бүх зүйл аймаар гоё болох мэт төсөөлөөд байна уу даа гэж нэг бодогдлоо. магадгүй та надтай санал нийлэхгүй болох л байх л даа. Гэхдээ л бид хэн ч болсон байлаа гэсэн бусдаас нэг их ялгарахгүй л амьдарсаар энэ насыг дуусгана шүү дээ. Ингээд бодохлоор бид нар маш их зүйлийг хүсч хүслийнхээ төлөө зовж амьдардаг юм байна.

Буддагийн сургуульд байдаг юм билээ. Хүн гэдэг амьтан бол хүслийнхээ төлөө зовдог гэж. Бодоод байхаар үнэхээр үнэн юм байна аа. Байгаа зүйлдээ сэтгэл ханамж өндөртэй байдаг хүн хэзээ ч зовдоггүй болгоод л байдаг. Харин хэтэрхий их зүйл хүсээд ирхээрээ л түүндээ өөрөө ороогддог. Урд өмнө хажуу өрөө хөлслөөд гүйж явахдаа болоод л байдаг байсан залуу нэг өрөө байртай болоод хоёр жил болов уу үгүй юу л одоо 3 өрөөтэй болох тухай бодож түүнийхээ төлөө зүтгэж эхэлдэг. Үүнийгээ бид нар амьдрал гэдэг. Энэ бол амьдрал. Харин ингэж зүтгэж байхад амьдралд тохиолдсон сайн муу зүйлээ бид нар аз жаргал бас зовлон гэж хоёр ангилдаг. Азтай байвал хурдан байртай болно азгүй байвал байр ч үгүй тарна. Хэ хэ. Зүйрлэл нь нэг иймэрхүү л болж байна.

Нэг үгээр хэлбэл нэг их юм хүсэх нь өөрөө бас аюултай л юм шиг байна доо.

JD

Хүний юм...

За найзуудаа энэ нэг гоё бичлэг байхаар нь олонд хүргье гэж бодоод оруулчлаа. Бичсэн хүнд нь баяр хүргье. . .

Өнөө цагт бид улам том байшинтай хэрнээ жижиг гэр бүлтэй, илүү тав тухтай боловч амрах цаг зав багатай, олон эрдмийн зэрэг цолтой боловч наад захын мэдлэггүй, өргөн мэдлэгтэй боловч бага бодолтой, олон экспертүүдтэй боловч олон асуудлуудтай, илүү анагаах ухаанжиж байгаа боловч илүү их өвчин зовлонтой болжээ.

Бид аливаад хөнгөн хуумгай хандаж, бага инээж, хурдтай давхиж, түргэн уурлаж, оройтож унтаж, өглөө босохдоо ядарсан сэрж, бага уншиж, зурагт их үзэж, бурханд цөөн залбирах юм.

Өөрийгөө хүрээлэх эд хогшлоо нэмэгдүүлэх хèрнээ үнэт зүйлсээ бууруулж, их ярьж, бага хайрлаж, худал хэлэх нь олширчээ.

Яаж амьдрахыг судалдаг хэрнээ амьдралыг судалдаггүй, он жилүүдээ амьдралд зориулах хэрнээ амьдралаа он жилүүдэд зориулдаггүй, урт өндөр барилгатай ч богино ухаантай, өргөн уудам хурдны замтай ч явцуу нарийн үзэл бодолтой, их үрж, бага бүтээж; худалдан авах зүйлс олширсон ч, түүнээсээ авах ханамж багасчээ.

Саран дээр хүртэл очиж чадаж байгаа хèрнээ эсрэг гудамжиндаа байх хөршийнхөөрөө очиж чаддаггүй, гадаад ертөнцийг эзэмшиж чадсан хèрнээ дотоод ертөнцөө эзэмдэж чаддаггүй, атомыг задалж чадсан хэрнээ, мухар заншлаа задалж чадаагүй л байна.

Их бичдэг хэрнээ бага судалдаг, их төлөвлөх хèрнээ түүнийгээ биелүүлдэггүй, яарч адгаж чаддаг хэрнээ хүлээж чаддаггүй, орлого нэмэгдэхийн хэрээр ёс суртахууны дутагдалд орж, мэдээллийг хадгалах, олон хувь тараах гэж өчнөөн компьютер үйлдвэрлэх тусам хүн хоорондын харилцаа багасаж, ÷анарт биш, тоо хэмжээнд анхаарах нь ихэсчээ.

Òүргэн хоол нэмэгдсэн ч шингэлт нь удааширч, бие өсөх болсон ч ухаан богиносч, ашиг орлого зузаарсан ч харилцаа гүехэн болж,зав чөлөө ихтэй ч баясаж цэнгэх нь бага, îлон нэр төрлийн хоолтой ч тэжээл болох нь бага, õоёр орлоготой ч салах нь их, ãоёмсог байшинд амьдардаг ч гэр бүлийн амьдрал муудаж хэврэгшсэн болжээ.

Чухам ийм учраас, өнөөдөр, би танд “Ямар нэгэн чухал хэрэгцээ гарахаар нь хэрэглэнэ гэж битгий хадгалаарай” гэж хэлэхийг зорьсон юм.

Учир нь таны амьдралын өдөр бүхэн чинь чухал юм шүү.Мэдлэгийг эрж хай, их унш, өөрийнхөө өөдөөс харж суугаад хэрэгцээндээ санаа зовдог байдлаасаа сал.
Гэр бүл, найз нөхөдтэйгээ хамт байх цагийг өөрөөсөө бүү харамла. Дуртай хоолоо ид, очихыг хүсдэг газраа оч.
Амьдрал гэдэг бол аз жаргалтай мөчүүдийн хэлхээс болохоос амьд явах гэсэн тэмцэл биш юм.
Болор хундагаа хагалчих вий гэж эмээлгүй хэрэглэ. Үнэтэй үнэртэй усаа дуусчих вий гэж айлгүй цац.
Хэрэглэмээр санагдсан үедээ хүссэн зүйлээ хэрэглэж бай.Үгсийн сангаасаа “Аль нэг өдөр”, “Заримдаа” гэсэн үгсийг хасаж хаяцгаая.

Найз нөхөд, гэр бүлийнхэндээ хичнээн хайртайгаа илэрхийлцгээе. Амьдралд инээд хөөр, баяр баясгалан нэмдэг зүйлсээ хойшлуулахаа больцгооё.

Өдөр бүр, цаг бүр, мөч бүр чухал. Магадгүй таны сүүлчийнх байхыг хэн ч мэдэхгүй.

Хэрэв та энэ линкийг дотны хүмүүстээ óíøèæ ºãºõ, ìýéëýýð явуулах ч завгүй байгаа бол, хэрэв “Аль нэг өдөр” явуулчихна даа óíøèæ ºãíº äºº гэж бодож байгаа бол… Таны бодоод байгаа “аль нэг өдөр” та байхгүй болчихсон байвал яана аа … гэж нэг бодож үзээрэй.

Би ч бас эр хүн. . .

Сайн уу найзуудаа. Ойрд уулзсангүй ээ. Ажил ихдээд блогоо ч нээж харах завгүй л гүйж явна даа. Ойрд баахан баяр болоод манайхан нэг л жигдэрч өгөхгүй байх шиг байна даа тээ. 03.18-ний өглөө манай эмэгтэйчүүдээс маш олон мэндчилгээ ирүүлээд сайхан л байлаа. Даанч цэрэг биш болхоор нэг их тоохгүй байсан л даа. Тэгсгээд өдөр өнгөрч нэг мэдэхэд орой болсон байлаа. Хэ хэ. Нэг их уран сайхны юм бичиж байгаа юм шиг санагдчихлаа. Орой болсон байлаа ч гэх шиг хэ хэ. За тэгээд орой харин жинхэнэ sms шавлаа даа. Яадаг ийдэг гэнэ вэ их л сайхан үгтэй юм байсан. Арай ингэж өргөн бүх нийтээрээ тэмдэглэдэг гэж ёстой санаагүй шүү. Бүр ерөнхийлөгч хүртэл их сайхан үг хэлж байна билээ. Урд өмнө цэргийн баяраар Ерөнхийлөгч үг хэлж байсныг нь санахгүй байгаа юм аа. Би таараагүй ч байж болно л доо.

Хараад байхад бид нээрээ үнэхээр баярыг өргөн хийдэг болжээ. Баяраас баярын хооронд л амьдрах болж дээ. Би нэг л зүйл олж хараад байна л даа. Амьдрал үнэхээр хэцүү байна гэчээд л цэцэг барьж гүйгээд л, торт барьж гүйгээд л байгаа энэ байдал нь амьдралын энэ хэцүү байдлаа өөрөөр тайтгаруулах өөрийгөө тайвшруулах арга үнэхээр гарч ирэхгүй байгаад юм болов уу. Шөнөжин архидсан залуус маргааш өглөө нь гудамжаар хөлхөлдөөд л байсан. Бодвол шараа тайлж байна гэж шоудаад өнөөдөр хүртэл үргэлжилж байгаа байх даа л гэж бодож байна.

Манай орцонд лав хоёр айл шөнөжин уугаад үүрээр өглөө болтол зодолдсон. Дургүй хүрмээр ч юм шиг. Яах гэж ингэж баярлаж, яах гэж ингэж их уудаг юм бол доо. Би ч бас эр хүн. Гэхдээ надад энэ Зэвсэгт Хүчний 88 жилийн ойн баяр бол хамаарагдах хүмүүсийнх нь баяр юм шиг л санагддаг юм. Гэхдээ мэдэхгүй юм даа. Магадгүй өөр өнцгөөс нь хардаг хэн нэгэн бол шүүмлэх л байх. Уул нь шөнөжин шоудах мөнгөөрөө өөртөө нэг цамц авсан бол бас л гайгүй цамц аваад өмсчихнө шүү.

JD

Шинэ долоо хоног эхэллээ

сайн байна уу. Сайхан эхнэр, найз охин, танилцсан охин, ээж, эгч, эмээ, ээжийн найз гээд бүх эмэгтэйчүүдээ баярлуулсан уу. Эмэгтэй хүн уншиж байгаа бол сайхан баярласан уу. Сонин сайхан их л биз дээ. Хараад байсан ихэнх нь хагас сайн өдөр урьдчилаад баярласан бололтой байна билээ. Манай ажлын ганц нэгэн бүсгүйчүүд одоо болтол ажилдаа ирээгүй л байна. Бодвол өчигдөр баярласан бололтой хэ хэ. За тэр ч яахав.

Өглөө босоод ирсэн чинь зун болчихсон юм шиг санагдаад. Нэг сонин мэдрэмж төрөөд байлаа. Яалт ч үгүй хавал болсон юм байна. Хавал болхоор чинь бүх хүний сэтгэл гэгэлзээд ирдэг юм гэсэн. Нэг их гэгэлзэхгүй байгаа ч юутай ч өглөө босоод их сайхан мэдрэмж авлаа. (мэдрэмж нь нөгөө нөгөө утгаараа биш шүү хэ хэ. Зун болсон юм шиг санагдсан) Урин цаг ирэхээр хэн бүхний сэтгэл тэнийдэг. Тийм болхоор хүн бүхэн л их тайван алхаад байгаа юм шиг санагдаад гэхгүй юу. За юутай ч найзаа энэ долоо хоногт сайн ажиллаарай. Бас ихийг бүтээгээрэй. Би хувьдаа энэ долоо хоногийг үрснээ олох долоо хоног болгон зарласан байгаа.

JD

Сүү шиг цагаан сэтгэлт бүсгүйчүүддээ....

Өлгийн зөөлөн бүүвэй сэтгэлээс тань уянгалсан Өргөлийн цагаан сүү гараас тань цацарсан Өглөгийн дээд хайр зүрхнээс тань ундарсан Өрх гэрийн жаргал сэтгэлээс тань гэрэлтсэн Сайхан эх орны минь саран гоо бүсгүйчүүддээ Олон улсын эмэгтэйчүүдийн баярын мэнд дэвшүүлж Эрүүл энх, аз жаргалтай, инээд баясал дүүрэн явахыг ерөөе.

Яруу найрагч хүн гэдэг үнэхээр өөр юм уу. Үг гэдэг нь цаанаасаа утгатай байх юм. Миний найз дуучин Хонгор өчигдөр надад их сайхан нэгэн зүйл хэлсэн юм. Гэхдээ би энэ үгний үнэн худлын тухай ярьмааргүй байна. Ганцхан зүйрлэлийнх нь тухай л ярьмаар байна. Юу вэ гэхээр бурхан маш олон дуучин, яруу найрагч за тэгээд зураач гээд маш суутнуудыг бүтээж л дээ. Тэд уран бүтээл хийх бүртээ миний онгод орсон үед хийсэн бүтээл гэж ярьдаг. Тэгвэл тэр нь бурхны бидэнд өгч буй захиа юм аа. Нэг үгээр хэлбэл хөгжмийн зохиолчын аугаа тэр хөгжим бол бурхан биднийг уяраах гэж явуулсан эгшиг, тур дуу бол бурхны бидэнд өгөх гэсэн ухаарал, тэр зураг бурхны бидэнд харуулах гэсэн дүрслэл гэж. . . Би эндээс нэг зүйлийг бодлоо. Тийм ээ. Энэ эмэгтэйчүүд бол бурхны хүн төрөлхтөнд зоруилж бүтээсэн аугаа бүтээл юм аа гэж.

Яагаад ч юм эмэгтэйчүүдэд маш олон баяр байдаг, маш олон дуу байдаг, маш олон шүлэг байдаг гэхдээ л тэдний их ачлалыг, тэдний их хайрыг нөхөж бардаггүй юм. Тийм болхоороо бүсгүй та аугаа.

Амсах рашаан тань алтан аяганаас оргилж

Өмсөх хувцас тань үйтэн хуараас эхэлж

Эдлэх жаргал тань элэг бүтэн амьдралаас ургаж

Эрхэмлэх хүсэл тань цагаан сэтгэлээс ундарч байг

Бүсгүй хүн болж төрнө гэдэг бурхнаас заяасан буян билээ

Бусдад гайхагдаж хүндлэгдэнэ гэдэг бидэнд заяасан хишиг билээ.

Танд мянга мянган сарнай бэлэглэж баярын мэнд хүргье! Сайхан баярлаарай

JD

Сар шинийн тэмдэглэгээ. . .

Сар шинэ гэж нэг сайхан баяр өнгөрлөө. Хямралын жил ч гэсэн өргөн дэлгэр л боллоо. Дээл өмсөж Монгол гутлаа углаал, малгай тавиал ёстой нэг олон хоног ч баярласныг хэлэх үү хутга тавилгүй идэж, хундага нөгөө яалгүй гэдэг билээдээ уулаа штээ хэ хэ. Сониноос хийморийн овоо гарсан. Шинийн гурванд гарсан даа. Сайхан өдөр байсан. Арай гэж мөлхөх шахан байж нэг авирлаа штээ. Утсаа харин алдсангүй ээ хэ хэ. Би чинь өнгөрсөн жилийн шинийн нэгэнд утсаа алдсан юм штээ хэ хэ. Агаар ч гоё байсан. Мөн ч их зураг даруулсан шүү. Улахгүй блогтоо зургаа оруулна аа. Тэгэхээр нь хараарай гэж. Нөгөө хийморийн овоонд машинтай хүмүүс гарч байна аа наад хэсэгрүү нь. Нэг аюултай юм нь буцаад буухдаа гулгаад тэгээд жинхэнэ зүгээр л чарга шиг доошоо явж байвал яахуу аймаар харагдаж байна билээ. Доор очоод хэн нэгний машиныг мөргөөд л байх шиг байна билээ. Бас л айдас төрүүлэм байна билээ шүү. Ийгээд хэд хоног золголт хийж айл хэсэж баахан идэж, ууж баярлаж баярлаж ажилдаа орлоодоо. Хэ хэ. Ажилдаа орсон чинь гар нэг л эвлэхгүй блогоо бичье гэсэн чинь үсгээ мартчихсан байна штэээ хэ хэ. Ингэтлээ л баярласан байна даа гэж хө хө мину зэ зэ.

JD

Бүсгүйчүүдийн тухай миний бодол...(Найруулаггүй шүү)

Одоогоос хэдхэн хоногийн өмнө миний нэгэн хүндэлж явдаг эмэгтэй найз маань надад нэг сонин хүсэлт тавьсан юм. Тэр нь бол чи блог дээрээ эмэгтэй хүнийг юу гэж бодож явдаг тухайгаа бичээч гэсэн юм аа. Би тэр өдрөөс хойш нилээн удаан хугацаанд олон хоног энэ сэдвийн тухай бодоод бодоод гоё санаа олохгүй байсан юм. Харин энэ өглөө яагаад ч юм ажил их байсан ч гэсэн энэ тухай бичмээр санагдаад ажлынхаа заваар бичиж сууна л даа.

Хүн болгон эмэгтэй хүнээс мэндэлдэг. Тэр утгаараа эхийн тухай шүлэг, дуу за тэгээд сайхан бүхэн л эмэгтэй хүнд зориулагдсан байдаг. Гэтэл эмэгтэй хүнийг хүн болгон л өөр өөрийнхөө өнцгөөс хардаг юм билээ. Манай нэг найз эхнэртэйгээ муудсан юм. Шалтгаан нь эхнэр нь өөр хэн нэгэн залууг хайрласан учраас тэд муудсан. Түүнээс хойш тэрэнтэй гадуур хамт явах шиг хэцүү юм байхгүй болсон л доо. Учир нь эмэгтэй аятайхан хүн л харвал муу .... гээд л харааж гардаг юм. Үнэн залхмаар шүү. Ингээд бодохлоор хүний амьдралын түүхээс хамаарч бүсгүй хүнийг харах эрчүүдийн өнцөг нь өөр өөр байдаг юм шиг л санагддаг юм.

1. Миний хувьд би өнөөдөр нэг зүйлийг бодож явдаг юм. Ер нь бол эмэгтэй хүн бүр хөөрхөн. (Намайг ямар шалиг гар вэ, эсвэл ямар бөөрөнхий юм бэ гэж битгий бодоорой) Учир нь хэн нэгэн сайхан залуу тэр бүсгүйг өөрийнхөө өнцгөөс харж хайрлаж, дурладаг болхоор тэр бүсгүйд үнэхээр хөөрхөн тэр эрийг татах ямар нэгэн зүйл байна аа л гэсэн үг гэж би боддог юм. Арван жилд байхад манай нэг ангийн Мөнхбат гэж банди байсан юм. Бид нар маажиг тарган болхоор нь баавгай гэдэг байсан л даа. Тэр нэгэн шилжиж ирсэн охинд дурладаг байхгүй юу. Тэгсэн Мөнхбаттай найзалдаг Элбэгээ гээд нэг найз маань чи одоо боль л доо ийм охинд арай ч дээ гэсэн чинь. Аймаар сонин болсноо Элбэгээ чи миний нүдээр хар даа гэсэн гээд л бид инээлддэг байсан юм. Одоо бодоход үнэхээр л Мөнхбатийн бодолд тохирсон л бүсгүй байсан байгаа юм л даа. Тэгэхээр энэ хорвоогийн бүх бүсгүйчүүд хөөрхөн. Тэд заавал эр хүн болгонд таалагдах ёсгүй штээ. Харин хэн нэгэн эр хүнд тэр бүсгүй таалагдаж л байгаа гэдэг нь л үнэн.

2. Мэдээж үеийн энэ бүсгүйчүүдээс гадна миний ээж гэж нэг аугаа эмэгтэй байдаг. Энэ хүн хэн ч байсан л үр нь хайрладаг. Та бол үүнтэй санал нийлэх болхоор би энэ тухай бичээд яахав дээ. Харин миний хувьд дараагийн нэгэн хүн бол миний охин дүү байдаг. Би ганц эмэгтэй дүүтэй л дээ. Тэр утгаараа ч тэр үү дүүдээ маш их хайртай. Хааяа дүү шиг минь охид энд тэнд алдаж явааг хархаар өөрийн эрхгүй дотор муухайрч охин дүү минь бодогддог юм. Энэ утгаараа жаахан охидыг хархаар охин дүү шиг минь л санагддаг юм билээ. Тэднийг алдах вий дээ, зөв яваасай л гэж дотроо залбирдаг. Нээрээ их сонин эмэгтэй дүүдээ хааяа уурладаг ч гэсэн үг бүрийг нь биелүүлдэг шүү. Өөрийн эрхгүй л тэгдэг юм билээ хэ хэ. Бас нэгэн миний эзэн л юм уу даа.

3. За энэ бол мэдээж эхнэр шүү дээ. Хүн амьдралд өөр өөрийн үзэл бодлоороо шилж сонгон нэгэн бүсгүйг онцлон түүнтэйгээ амьдардаг. Амьдралд алдаж онох нь олон л байдаг. Ид дундаа салж байгаа хүнийг хархад тухайн үеийнх нь өөрийнх нь амьдралыг үзэх үзлээс өнөөдрийн үзэл нь зөрөөд эхлэхлээр сонголт нь хүртэл зөрдөг юм болов уу даа гэж боддог юм. Тэр утгаараа юм үзэж нүд тайлж байж эхнэр авах нь яагаад ч юм зөв сонголт болдог юм шиг л санагддаг. Та бүхэн мэдэх байхдаа хүн заримдаа хоёр дах амьдралаа сонгосны дараа их сайхан амьдарч байгаа хүн байдаг. Учир нь их бодож бодож хийдэг алхам ч юм шиг л санагддаг. Мэдээж эхнэр хүн гэдэг бол их нэр хүндтэй хүн шүү дээ. Хайрлахгүй байхын аргагүй. Бас итгэхгүй байхын аргагүй. Эр хүнийг бүхнийг өгдөг, бүхний тулгуур нь байж чаддаг. Өглөө та ажилдаа аз жаргалтай ирээд бүхнийг амжуулахад нөлөөлөх хүч нь мэдээж эхнэр л байдаг гэж би боддог доо.

За ингээд би товчхон утгаар сайн найзынхаа хүсэлтийн дагуу эмэгтэй хүний тухай бодлоо хураангуйлан бичлээ. Таалагдах эсэх нь хамаагүй ээ. Энэ миний л бодол.

JD :) (Засвар хийж амжсангүй уушиглаарай)

Агаар амталсан өдрүүд. . .

Сайн уу найзуудаа. Сайхан амарсан биз дээ. Найз нь хагас сайны өглөө эртлэн босоод JCI-ийн NOM ерөнхийлөгч болон түүний багийн нөхдийн хамт өөрийн салбар байгууллагын ерөнхийлөгч, ерөнхий нарийн бичгийн даргийн хамт Дархан, Эрдэнэт хотуудад айлчилал хийгээд ирлээ. Би олон удаа энд тэнд очиж уулзалт хуралд орж олон сайхан зүйл үзсэн. Гэхдээ энэ удаагийн аялал ямар гоё болов оо. Тэр гадаа дулаахан гэдэг нь жигтэйхэн, агаар нь цэвэрхэн үнэхээр сэтгэл татам байлаа.

Эндээс бид нар бараг 08 өнгөрөөж хөдөлсөн. Дарханд яг цагтаа буюу хөтөлбөрийн дагуу 11:00 бэлэн очсон. Дархан-Уул аймгийн салбар байгууллагын гишүүд бүгд хаалган дээрээ зогсчихсон хүлээж байсан. Тэгээд цаашаа цуваа болж аваад Дархан хотруу орсон. Дархан хот очих болгонд л гоё болоод байгаа юм шиг санагдаад байх юм. Дарханд очоод шууд ШУТИС-ийн салбар дээр нь очсон. Том сургууль байна билээ. Дархан ч ер нь том юм аа. Хүн ам нь 120 мянга гаруй гэсэн байх аа. Нилээн зах зээл сайтай л санагдсан. Тэгээд аймгийн Засаг даргын орлогч нь хөгжлийн талаар илтгэл тавьсан. Хэ хэ. Ху намын хорооны хуралд суусан юм шиг мэдрэмж л төрсөн дөө.

Ийгээд хөтөлбөрийн дагуу явсаар өдөр Эрдэнэт хотруу хөдөлсөн. Зам нээрээ олуулаа явхаар маш хурдан өнгөрч байна билээ шүү. Эрдэнэтэд дөхөөд ирсэн чинь харин манай Эрдэнэтийн салбар байгууллагынхан үнэн сүртэй угтаж авсан гээч. Монгол дээлтэй бүсгүй хадаг сү барьчихсан угтаж авсан. Бас л сонин мэдрэмж төрж байна билээ шүү хэ хэ.

Эрдэнэт хотод манай салбар байгууллагын гүйцэтгэх дэд ерөнхийлөгчийн шинээр ашиглалтанд оруулсан үйлчилгээний төвтэй танилцаад шууд Олимп баазруу явсан. За даа тэр Олимп бааз чинь жинхэнэ тасарчихсан газар юм билээ. Үнэхээр гоё газар юм билээ. Тэндээ хөтөлбөрийн дагуу үйл ажиллагаанд оролцчихоод хэдэн нөхдийн хамт нутгийн нэгэн анчинг суулгаад анд явсан. Ёоо ёстой нэг гараад 5 минут яваад л чоно таарсан. Шинийн 13-ний маш том сартай шөнө. Гэрэлтүүлэнэ гадаг асуудал бас их хүнд юм билээ. Ерөнхийдөө бол 2 чонотой таарч алдаад, гөрөөс буудах гэсэн чинь мод таглаад тэгээд л шөнөжин гэрэлтүүлж байгаад буйсан. Юутай ч гоё байсан.

Ийгээд өглөө нь Олимд баазаас гараад Сэлэнгэ амралтруу очсон. Тэнд Эрдэнэтийн хоёрдах цанийн бааз байдаг юм билээ. Үнэн лаг дээшээгээ автомат татагчтай наасан. Түрээсийн цана болон конки нь өдрийн мянга гээд боддоо. Ноён ерөнхийлөгч Н.Энхбаяр гуай тэнд гулгаж байсан болохоор дээшээ гарч гулгах асуудал хүнд байсан. Тэгээд баахан мөсөн дээл р савж унасан даа. Одоо энэ хөл нээрээ хүнйи хөл болчихоод л байна. хэ хэ.

Ингэж амралтын хоёр өдрөөрөө мөсөн дээр гулгаж, агаар идэж, хамт олонтойгоо сайхан байлаа. Буцаад Утаанбаатартаа орж ирсэн чинь цээж минь хорсож байна билээ шүү. Яана даа энэ утааг гэж.

Биднийг хүлээж авч дайлж, хамаг сайхан бүхнээрээ үйлчилсэн Дархан, Эрдэнэтийн JCI салбар байгууллагын хамт олондоо баярлалаа.

JD

Улаанбаатарт цас болж орсондоо харамсах юм. . .

Намайг цас гэдэг. Би хүн бүхний дуртай нэгэн байгалийн үзэгдэл. Яагаад ч юм намайг энэ дэлхийд буухлаар олон хүүхдүүд баярлаж, олон амьтны зоо тэнийдэг. Яахав дээ би хайлхаараа ус болдог л доо. Ер нь бол миний ээж ус л даа. Гэхдээ би энэ Улаанбаатарчуудад маш их гомдож байна аа. БИ олон жил танай хотын өвлийг чимэж, та нарт аз жаргал бэлэглэсэн. Би олон хүүхдийг баярлуулж олон буянтай үйл хийсэн. Гэхдээ танай хот тохижилтийнхон намайг орхоор цагтаай цэвэрлээгүйгээс тэр нь мөс болоод олон жолооч, хүний дургүйг хүргэдэг ч би та нарт хэрэгтэй л зүйлийн нэг. Тэгж ярих юм бол зарим нэгэн улсын иргэд намайг харах гэж мөнгө төлж энд тэндээс нисч ирдэг юм шүү. Гэтэл яав. Арай ч дээ. Намайг та нэг гараад хар даа. Миний тэр сайхан өнгө та нарын энэ муухай угаарт дарагдаж тас хар болж байна. Яагаад та нар ингэ намайг доромжлоод байгаан бэ? Та нарын тэр утаа чинь та нарын л асуудал штээ. Уушгаа өөрсдийнхөө арчаагүйгээс болж хордуулчихаад гэмгүй намайг бас дунд нь ингэж хохироох гэж. Ингээд байх юм бол би дахиж танай хотод орохгүй шүү.

Хэ хэ. Нээрээ цас ингэж гомдоллох вий дээ аан. Энэ утаа нээрээ алж байна аа аан.

JD

Өнөөдөр 2009.02.02

Сайн уу найзуудаа. Өчигдөр та нар үзсэн үү. Ганхүү ахын тэр хүйтэн тивийн оргилд гарч байгаа бичлэгийг. Бас л сайхан сэтгэгдэл төрж байна билээ шүү тээ. Өөрийн эрхгүй л омогшлоо штээ. Ганхүү ахдаа баярлалаа.

Өнгөрсөн амралт сайхан боллоо. Сайхан л амарлаа. Гадаа ямар гоё байсан бэ тээ. Ёстой нэг сайхан байсан. Ням гарагт нээрээ нэг Энэтхэг баагий Монголд ирээд буцсан юм. Тэгээд гаргаж өгөх гээд Чингис хаан нисэх буудал орсон чинь онгоц нь хойшлоод тэгээд онгоц иртэл нөгөө баагийд Монгол цас үзүүлэх санаатай нүхтээр явлаа. Тэнд хүн ч гэж их юм аа. Гол нь цас нь хархад цагаан хэрнээ очоод үзэхээр өнгөн хэсэг нь тогтогтой байна билээ. Бас л юм бодогдуулж байна билээ шүү.

Нөгөө баагий чинь ч хөлдөж үхээ алдсаан. Яасан хүйтэн юм бэ гээд л үхэх гээд байна билээ. Арга ч үгүй биз дээ. За даа нэг иймэрхүү л өнгөрөх шив дээ. Юутай ч он цаг эргэж ирэхгүйгээр урссаар л байна. Эргээд харахад би юу хийж бүтээвээ гэж бодхоор нэг их бүтээсэн юм байхгүй байх юм. Хэдэн бичлэг л үлдэх юм шиг байна даа гэж.

Гэхдээ сэтгэлээр унахгүй ээ өмнөхөө л хийгээд байж дээ гэж. . .

JD

Миний ээж багш. . .

Загасчны морь усгүй гэж. . . Энэ үгийг мөн ч их сонсож дээ. Математик дээр даалгавараа хийгээгүй очихоор л багш загнадаг байлаа. Манай ээж физикийн багш хүн л дээ. Яагаад ч юм надад багш нарын баяр их ойрхон баяр байдаг юм. Манай ээж багш болохоор тэр байх л даа. Ээж сургууль дээр байнга таардаг болохоор ээжээсээ байнга та манай ангид л битгий физик ороорой гэж гуйдаг байж билээ хэ хэ. Ангийн хурал болно оо манай гэрээс хүн байхгүй. Ээж өдөр болгон ангийн багштай уулзаж байдаг болхоор хуралд суух шаардлагагүй хэ хэ. Би тэгээд л уурлана. Та одоо суучих л даа гээд л. Ээж тэгэхээр юунд нь суудаг юм өдөр болгон л сонсож байна гээд байдаг байж билээ. Юутай ч энэ баяр миний хувьд их дотно баяр шүү. Эцэг эхийн хуралд 10 жилийн хугацаанд нэг ч удаа очиж үзээгүй ээж гэвэл манай л ээж байх хэ хэ.

Хайрт ээждээ болон надад эрдэм зааж өгсөн бүх багш нартаа болон Монголынхоо бүх багш нарт баярын мэнд хүргье.

JD

Энэ долоо хоногийн зурхай. . .

Хүн болгон зурхайч болоод байгаа энэ цагт би бас зурхайч болж хэдэн цаас олхоор шийдлээ. Яадаг юм бэ тээ. Адилхан л махтай, биетэй аавын хүүхдүүд штээ. Юунаас нь дутдагийн хэ хэ. За ингээд зурхайч миний бодлоор.(Бодлоор шүү хэ хэ)

Даваа гараг.
Та ажилдаа ирээд сонин нээнэ. (гэхдээ нээдэг хэд нь штээ) За өнгөрсөн Бямба гарагийн С.Эрдэнэ-ийн шүүх хурлын сонин хачин гээд баахан мэдээлэл уншина. Та мэдээж мэйл-ээ шалгана. Өнгөрсөн амралтын сонин хачнаа хуучлана. Хэрвээ та шоудсан бол хэрхэн согтсон, хэн нэгэн яаж тэнэгтсэн тухай хуучлана. Энэ өдрийн ерөнхий төлөв бол хуралдсан, заваараа сонин сайхан ярьсан. Зах зээлийн өнөөгийн ороо бусгаа явдлыг хуучилсан өдөр байна. Та ажлаа тараад бөглөрөн бөглөрөн гэртээ харина.

Мягмар гараг.
Нар гардагтаа л гарна. Нэг их зөрөхгүй цагаа бариад гарчихна. За мэдээж сонин энэ тэр эргүүлэнэ. Сонин сайхан харна. Ерөнхийдөө энэ өдөр ажил хэрэгч талдаа өнгөрнө.

Лхагва гараг.
Долоо хоногийн бараг алтан дундах өдөр гэж ойлгож болно. Ерөнхийдөө ажлаасаа жаахан уйдаж Баасан гарагт үдшийг хэрхэн өнгөрүүлэх тухай бодох болно. Гэхдээ энэ долоо хоногт бас санхүүгийн хямралтай байгаа болхоор үдшийн цэнгүүнийг хийх аргаа өөрчилж баарнаас гэртээ шилжвэл илүү цохилтой.

Пүрэв гараг.
Уучлаарай зурхайч нь дахиж нэг харахгүй бол болохгүй нь. Харчаад тэгээд хэлье за.

Энэ бол нэгэн хошин бодол байлаа. Би энэ олон зурхайч гарч ирээд ард түмнийг хэд хувааж байгааг хараад үнэхээр их гайхаад байна аа. Яахаа ч мэдэхгүй юм.

JD

Даваа гарагийн өглөөний мэнд. . .

Юутай ч хорвоогийн өдөр хоногууд өнгөрч нэгэн Даваа гарагийн өглөөтэй золголоо. Өглөө ажилдаа ирээд сурсан зангаараа мэссэнжерт байгаа найз нартаа уриалга болон мэндчилгээгээ явуулчихаад блогоо ухлаа. Нилээн хэдэн сэтгэгдэл иржээ. Тэр дунд Баабар гэсэн нэртэй 2 сэтгэгдэл байна аа. Нээрээ нийтлэлч Баабар ах орж ирсэн юм биш байгаадаа л гэж дотроо бодлоо. (Би гэхдээ энэ хүний нийтлэлээс олон зүйлийг ухаардаг юм шүү. Бас л аугаа шүү) Тэгснээ тэр их завгүй хүн ингээд сонирхогчдын блог энэ тэрээр хэсээд явж байхгүй л биз дээ гэж бодов. За энэ ч яахав. Сэтгэгдэлээ бичээд үлдээх нь тухайн хүний сонирхлын л асуудал. Надад хэрэгтэй юм байвал харин ч нэг өөртөө тусгаад авна шүү гэж. Найзуудаа энэ утаа гэдэг зүйлийг ярьсаар байгаад сүүлдээ утгаа алдаад одоо бүр сонин биш болж байна аа. (хэ хэ) Ийгээд би сонин биш болж байгаа хэдэн зүйлийг сийрүүлэн бичье.

1. Утаа гэдгийг ярьсаар байгаа утгаа алдаад сонин биш боллоо.

2. Авилгал гэдгийг ярьсаар байгаад адаг сүүлдээ бас сонин биш боллоо.

3. Өдөр бүр ТВ-ээр хэн нэгэн албан тушаалтан, хэн нэгэн хамгаалагч, оюутан хүүхэд шоронд орохыг харсаар байгаад шоронд орох нь сонин биш боллоо.

4. Эдийн засгийн хямрал гэдгийг ярьсаар байгаад одоо бүүр сонин биш боллоо.

5. Энд тэнд 7.1-нд буудуулсан, алуулсан гэдэг мэдээлэл харсаар байгаад одоо бүр сонин биш боллоо.

6. Замын бөглөрлөөр өдөржин явсаар байгаад замын бөглөрөл сонин биш боллоо.

7. Залуус дэндүү их шоудаж байна гэж сүүлийн 5 жил яриад одоо бүр сонин биш боллоо. За ингээд бичээд байвал сонин биш зүйл их болжээ. Одоо тэгэхээр сонин юм бидэнд юу үлдэв ээ.

Өө нээрээ тийм өнгөрсөн жилээс эхлэсэн энэ цагаан сарын маргаан сүүлдээ бүр сонин биш болоод хүмүүс аль аль талд нь ороод яахав гээд хоёр шинэлэх нь сонин биш боллоо. Дээр Аргодвол 3 шинэлэх нь бүр сонин биш болжээ.

Манайхаан энэ их сонин биш дунд чинь жинхэнэ сонин зүйлүүд, анхаарах зүйлүүд яваад л байх юм даа. Сонин, анхаарах зүйлийг сонин биш болгочихлоор сүүлдээ сонин биш болчихдог юм байна. Засгийн газар огцрох гэж байна гэж сар яриад нэг их сонин биш болчихоор нь л огцруулчхийн. Бензин нэмэгдэх гэж байна гэж сар яриад л тэгээд сонин биш болчихоор нь л нэмчихийн.

Ингэж байгаад нэг өдөр энэ улс хятадтай нийлэхнээ гэж сар шуугиад сонин биш болхоор нь аваачаад зөөлөн нийлүүлчих вий дээ.

JD

Мэдээлэл аваад байгаа ч гэсэн гайхаад байх юм. . .

Сонин болон бусад хэлбэрээр мэдээлэл бол байнга аваад байхад л гайхаад байх юм. Ойрын хэдэн жил чинь юу ч болоод байна даа. Сам. Отгонбаяр хархад бол сайхан ах байсан. Гэтэл яасан ял авчихлаа. Гэхдээ авсан нь үндэслэлтэй. За тэгээд цаашаа явъя. Одоо хэд хэдэн гишүүд бас ял авна л гэнэ тэднийг яллах ёстой л гэнэ. Таарсан хүн болгон, энэ тухай ярьсан хүн болгон л муусайн луйварчид хохь чинь л гэх юм. Мэдээж гэмт хэрэг хийсэн хүн болгон хуулийн өмнө хариуцлага хүлээх нь бол зүйн хэрэг. Гэхдээ өмнө нь ингэж их хүн шоронг дүүргэж байгаагүй болхоор л гайхаад байх юм. 2008 онд маш олон шорон шинээр барьсан. Шинээр шорон барихад дараа жилдээ маш хурдан дүүрдэг гэсэн бичигдээгүй нэгэн хууль байдаг гэсэн. Эсвэл тэр муу ёор нь зүйрлээ юу. Юутай ч хэрэг хийсэн хүнийх нь төлөө биш ч хэвлэл мэдээллээр байнга тэр ч ингэж шоронд орлоо, энэ ч ингэж баригдлаа гээд сонсохоор одоо дотор муухайраад байх юм. Юу л болох гээд байна даа. . .

JD

Hey найзуудаа. . .

Hey найзуудаа гэсэн чинь УИХ-ын гишүүн Алтай ах эгэл нэгэн иргэн байхдаа хэлдэг байсан үг санаанд буучлаа. Шинэ долоо хоног эхэллээ гэсэн хэсэг дээр гурван төслийн нэр гарсан штээ тээ. Тийм. Аан тэр 3-н төслийн чинь эхнийх буюу хадгаламж эзэмшигчийн эрсдэлийн асуудлаар төр шийдвэр гаргаад шийдчихжээ. Энэ юу вэ гэхээр банк дампуурсан тохиолдолд хадгаламж эзэмшигчийн бүх эрсдлийг төр 100 хувь хариуцахаар болсон юм байна аа. Бүр 100% штээ.

Ийгээд нэг төсөл хасагдлаа.

JD

Амиа хорлох шалтгаан гэж үү. . .

...Болох байх гэж бодоод л зээл хийгээ биз дээ. Хэн ийм зүйл болно гэж бодох вэ дээ тээ. Та сонин харсан уу зээлээсээ болоод аиа хорлож байгаа хүн маш олон болж байна гэнэ. Тэд бодохдоо за яаж ийж байгаад болно гэж бодоод л зээлээд байсан бололтой. Тэгсэн чинь гэнэт хямраад мах хүн авахаа байгаад, арьсны үнэ унаад юун яасан нөгөө их төгрөг болсон бололтой. Ийгээд нөгөө зээлээ төлөх гэсэн чинь чадахаа байжээ. Гэнэт нэг өглөө гадаа нь хэдэн цагдаа, банкны төлөөлөгч бас бус хүн ирээд хамаг малыг нь тоолоод туугаад явчихаж. Малаа өгсөн ч өр нь дууссангүй ээ. Банкны хүү бас жаахан төлбөрийн үлдэгдэл. Аргаа барсан хөөрхий амиа хорлохоор шийджээ. Ард эхнэр хүүхэд. Амьдрал ямар хатуу юм бэ? Энэ хүнийг амиа хорлох хүртэл ямар төлөвлөгөөгүй амьдарсан нь чиний хохь гэх үү эсвэл. Надад бол олон л зүйл бодогдоод байна. Яалтай ч билээ дээ. Би харамсаад байна. Хайран амь. Улсаас хэдэн тэр бумаар идчээд инээгээд явж байхад банкнаас 500,000 төг зээлчээд амиа егүүтгэж байгаа тэр хүн тэнэг үү эсвэл. . .

Гадаа хүйтрээд байна шүү. . .

Ойрноос нээрээ их хүйтрээд байна шүү. Гадаа машинаа тавьчихаад 2-3 цаг болоод асаах гэхээр л дүлэгнээд байх. Машинаа асаагаад гэртээ очих гээд явсаар гэртээ очиход л дөнгөж машин халж таарах юм. Машин ерөөсөө энэ өвөл сайн халж чадахгүй байна аа. хэ хэ. Хөөрхий машин. Манайд ер нь бодоод байхад ямар ч машин тэсэхгүй гэдэг нь үнэхээр үнэн юм байна. За тэсээд явж байхад нь хэн нэгэн хүн азгүйтээд араас мөргчихнө, эсвэл өөрөө хүний машин мөргөчихнө. Нээрээ үнэн лайтай байгаа биз тээ. Яана даа.

JD

Шинэ долоо хоног эхэллээ. . .

Сайн байна уу найзуудаа. Сайхан амарсан биз дээ. Юутай ч шинэ долоо хоног эхэлж байна. Цаг хугацаа ямар хурдан юм бэ? Саяхан л шинэ жил болж байсан биз дээ. Тэгсэн чинь одоо цагаан сар болох гээд байх юм хэ хэ. Гэхдээ наана нь гэгээн хайрын өдөр буюу нэгэн сайхан сэтгэлт лам үхсэн өдөр болно л доо гэж. (Валентинийг хэлээд байгаан хэ хэ) За энэ ч яахав.

Бямба гарагт найзуудаа аваад Хандгайт явлаа хөөрхий. Агаар ч сайхан л байсан гэхдээ хүн гэж. Ээ бурхан минь ямар аймаар байсан гээч. Үнэхээр аймаар байсан. Цагаан газар хүн олон байхаар чинь майр сонин харагдаж байна билээ.

Тэнд нэг хэсэг хүн орилж гүйгээд л энд нэг хүн уулнаас орилж гулгаж ирж дайрч алчих гээд л. хэ хэ тэгсэн чинь нөгөө талд нь хэсэг байгууллагын ажилчид хөгжим тавиад шорлогдож ч байх шиг. За даа ер нь бол боломжоороо амарч болох бүхнийг л хийж байна билээ. Архи энэ тэр бол хаашаа харна хөнтрөөстэй даархаараа далимдуулаад муу архи энэ тэрийг бол хашраадаг юм шиг байна оо.

Гэхдээ яахав ямар ч байсан хотын энэ аймаар утаанд байснаас илүү дээр сайхан байсан шүү. Утаагүй газар байдаг хүмүүстэй харьцуулбал ч мэдээж инээдтэй л юм байгаа л даа. Би хааяа энд тэнд нэг лекц уншихлаараа хэлдэг байхгүй юу бид Улаанбаатар болон хөдөө гэсэн хоёр өөр нийгэмд байна гээд л тэгсэн чинь одоо би ярьвал бид утаатай болон утаагүй гэдэг хоёр өөр орчинд байна гэх юм байна л даа хэ хэ.

Юутай ч шинэ долоо хоног эхэллээ. Өглөө ажилдаа гарах гэж байсан чинь TV25 мэдээгээр хямрал мэдргэдээд бараа гүйгдэхээ байсан тухай яриад байна аа. Сонсоод байсан чинь нээрээ л үнэн юм яриад байна аа. Ийгээд би энэ долоо хоногийг их бүтээн байгуулалтын долоо хоног буюу хямралыг даван туулах арга замыг гаргах долоо хоног гэж нэрлэлээ.

Учир нь би одоо блогоо биччихээд УИХ-ын тус бүр нь 2 гишүүний төлөөлөлтэй, мэргэжлийн 3 хүний төлөөлөлтэй төслийн ажлын хэсэг эхлүүлэх гэж байна. Энэ төсөл бол 3 том бодлогын төсөл байгаа.

1. ЭЗ-ийн хямралаас үүдэн банкинд мөнгөн хадгаламж эзэмшигчдийн эрхийг хамглаалахад чиглэсэн төрийн бодлого
2. ЭЗ-ийн хямралын улмаас ажилгүй болсон хөдөлсөрчдөд авч хэрэгжүүлэх төрийн бодлого
3. ЭЗ-ийн хямралын улмаас үүдэн хүнсний хомсдол үүссэн үед авч хэрэгжүүлэх төрийн бодлого

За энэ гурван төслөө хийгээд өргөн барчихвал ч бас л аан. Ийгээд ажилдаа орлоо. Амжилт найзуудаа. Ажлаа сайн хийгээрэй.

Энэ долоо хоног биднийг хүлээхгүй шүү. Аягүй л бол эргээд харахад дараагийн долоо хоног эхэлсэн байна шүү.

JD

Лекцээ уншчихаад ирлээ штээ...

2009 оны хамгийн анхны хөдөө явсан болон хотоос гарсан ажил бол Хэнтий аймгийн Бор-Өндөр хотод унших лекц байлаа. Сонин шүү миний энэ өссөн газар Уулын баяжуулах үйлдвэртэй дэд бүтэц хөгжсөн их сайн газар. Дархан шиг хөгжилтэй. Хүн ам нь 14,000 орчим. Тэгсэн хэрнээ хойд зүгтээ 20 км байрлах Дархан сум (Чойном агсны төрсөн нутаг)-ын 5-р баг. Дархан сум өөрөө 1000 орчим хүнтэй гэж байгаа. Дэд бүтэц бол бас л хэцүү. За энэ бол манай улсын алдаатай болоод алдаагаа засдаггүй ажил удааны нэг жишээ дээ хө.

Сайхан хүлээж авсан шүү. Эндээс найзуудтайгаа явсан юм. Миний сайн найз Оюун-Эрдэнэ гэж хүн байгаа. Алсын хараа номны зохиогч, нөгөөх нь Лектор төвийн Баатархүү. БИд 3 хамтдаа лекц уншсан юм. Гурвуулаа Хэнтий гаралтай энэ нутгийн л хүүхдүүд гэдэг утгаараа.

Лекц бол үнэхээр сайхан болсон заал хүйтэн байсан ч гэсэн хүүхдүүд, залуучууд зогсоогоороо сонсож, гараа үлээгээд байж байгаа нь бахархал төрүүлж байсан шүү. Хэ хэ. Нөгөө лекц уншсан хэд маань ч гэсэн бараг л нусаа татаад л хүйтэн байна шүү тээ гээд л уншсан даа. Нээрээ тийм биднийг унаагаараа богино хугацаанд найдвартай хүргэж үйлчилсэн найз Мэндээдээ бас баярлалаа.

Цаашдаа Хэнтий аймгийнхаа олон сумаар орж лекц уншмаар юм билээ. Залуучууд ер нь бол оюуны мэдээллээр цангасан байгаа нь илт байна билээ. Нөгөө л муу хоосон яригчидыг чинь үгүйлсээр л байгаан билээ хэ хэ. Ийгээд л гэртээ ирлээ дээ. Утаатай ч гэсэн энэ муу Улаанбаатраа бас санах юм аа гэж.

JD

2 жилийн ойн баярын мэнд мөн 1 жилийн ойн баярын мэнд

Хэ хэ. Өнөөдөр их сонин өдөр байна аа. Цаг хугацааны тохиол шиг баахан баярууд давхцаад байх юм. Одоогоос 2 жилийн өмнө би Ардчилсан намд анх элсэж байсан юм. Одоо их сайн санаж байна аа. Тэр үед Д.Дорлигжав дарга ерөнхий нарийн бичгийн дарга байсан юм л даа. Тэгээд яг энэ өдөр Алтангадас одон аваад өрөөндөө байхад нь Б.Отгонбат, С.Эрдэнэболд, Б.Энхболд, Ц.Жадамбаа нар элсэж байж билээ хэ хэ. (Үнэт зүйлээ дагаж энэ намыг сонгосондоо, ирээдүйн сайн сайхны төлөө үнэт зүйлийнхээ төлөө өнөөдөр үйлчилж байгаадаа туйлын их баяртай байдаг шүү) Харин намынхаа батлахыг Ц.Элбэгдорж даргаас гардаж байсан юм. Харин одоогоос 1 жилийн өмнө би энэ блогийг анх нээж байсан юм. Гэхдээ яг энэ өдөр биш ээ. 01-р сарын 04 байхаа нээсэн шиг санаж байна. Муу найз Билгээ маань анх нээж өгч нүдийг минь нээж билээ. Сайхан өдөр байна аа. Баяртай байна. Найзуудаа өнөөдөр хэн гэдэг сайн бөх нь түрүүлэх бол доо.

JD

Өнөөдөр баярын өдөр. . .

Сайн уу найзуудаа. Баярын өдөр гэхээр Баяр сайд санаанд буугаад Баяр сайдын өдөр гэж байгаа юм шиг л санагдаад байх юм. 2009 оны 01-р сарын 13. Энэ өдөр бол Монгол Улсын анхны Ардчилсан Үндсэн хууль батлагдсан өдөр. Энэ хуулийн үг бүр нь хүний эрхийн төлөө, чинээлэг амьдралын төлөө, эрх зүйт нийгмийн төлөө байдаг юм. Энэ хуулийг хуульчидаас гадна хуулийн хүрээнд амьдарч байгаа иргэн бүр мэдэх ёстой. Гэвч бид энэ үндсэн хуулийнхаа өөрт хэрэгтэй нэг ч заалтыг өдий хүртэл мэдэхгүй яваа нь бидний буруу юу харин энэ ... буруу юу. Бас л бодмоор.

Анх энэ Үндсэн хуулийг бүтээж байсан түүхийг би нэг удаа Чимид багшаас сонсож байсан юм. Үнэхээр өөрийн эрхгүй л бахархах, бишрэх сэтгэл төрдөг юм билээ. Эх орны тухай ярих бүрт бид сэтгэлдээ бүтээсэн хий хоосон мөрөөдлөөр омогшидог. Харин би бодохнээ бидний омогшил энэ үед бол бид Азийн жишиг Ардчиллын орон болох тэр замыг нээсэн энэ гайхамшигт хуулиараа омогшихсон. Бид үгээ хэлдэг, үзэл бодлоо илэрхийлдэг. Хэний ч нөлөөнд автахгүйгээр эрх чөлөөт нийгэмд амьдарч байгаадаа азтай хүмүүсийн нэг юм аа.

Тийм ээ энэ үндсэн хууль батлагдсан тэр өдрөөс эхлэн энэ улс улсын дайтай улс болсон юм шүү. Бид өнөөдөр хэн нэгэн хүнийг тогтоолоор баривчлахад үндэслэлгүй хэмээн жагсах эрхтэй, зүрхтэй болсон. Бид хэн нэгэн харийн иргэнтэй бизнес хийж, гэрлэж, зорчиж, зочилж байх эрхтэй болсон. Дэлхийн аль ч улсад алтан соёмбо бүхий үнэмлэхээрээ өөрийн нэрийг дурсган аялах, хөгжих, сурах эрхтэй болсон. Бидний АЛДАХААС АЙДАГ бүх зүйл энэ хуулиас эхэлжээ.

Энэхүү хуулийг дагмой, биширмой, шүтмой.

JD

Баяр хүргье

Олон дунд гялалзах ухаантай олон хүн байх юм аа. Надад энэ www.za.org.mn сайт үнэхээр таалагдлаа. Ёстой хэрэгцээтэй юм байна. Мэдээж энэ ашгийн бус байгаа. За гэж хэлмээр байгаа бүх хүнд нээлттэй юм байна. Би Номуун охинд туслая гэсэн бичлэг уншлаа. Шууд л за гэж хэлмээр юм билээ.

JD

Нэг мэдсэн ах болсон байна.

Би бичлэгээ оруулчихаад хальт харлаа л даа. Тэгсэн нэг том ах ах нь хичээнэ ээ энэ тэр гээд баахан үг урсажээ надаас хэ хэ. Нээрээ бодсон чинь хүн болгон л намайг залуу хүн, залуу хүчин, залуу сэтгэлгээ гэсээр байгаад сургажээ. Би чинь бас дахиад доороо залуу халаатай юм байна штээ. Нэгэн зүйлийг ажаад байхад бидний дээд үе дүү нараа хүлээн зөвшөөрөх, тэдэнд боломж олгох гэдэг тал дээр их хүнд улс юм уу даа. Бодоод үзье л дээ. Нэг хүн шинээр ажилд ороход захийн хуучин кадр загнана, миалана. Жинхэнэ утга бол надаас илүү гарах вий дээ. Энэ яг намайг халаад оронд минь оруулах хүн гэж харна. Аа яа яа. Бас л аан. Тэгсэн чинь би бас амьдрал дээрээ тийм болчих вий дээ гэж. Бас л бодох асуудал тээ. Уул нь багаар л тоглох ёстой юм шиг байгаа юм.

JD

Бас л идэвхитэй байна шүү... Аан

Дээхэн үед манай Бор-Өндөр хотын хэсэг залуус над дээр ирсэн юм. Тэгээд тэр үеэр хамтарсан ажил тухай яриа өрнөөд залуучуудад нэг зөвлөгөө энэ тэр өгье гээд ярьж байсан юм аа. Тэгсэн чинь харин нөхдүүд очоод маш том ажил болгож зохиогоод ахыг энэ 10-нд лекц уншуулах болгочихж. Би яахав бантаад ам алдвал нөгөө яадаг билээ дээ тэрэн шиг юм боллоо. Юутай ч дүү нарын итгэлийг алдахгүй сайн уншчих санаатай байна. Энэ залуус бас идэвхтэй байна шүү.

Өөрийн эрхгүй нэг зүйл санаанд буулаа. Арван жилд байхдаа би гэж хүн өөрийгөө нээх гэж их үздэг байлаа л даа. Тэгээд нэг удаа хэ хэ нэг удаа ч гэж дээ тухайн үеийн бүх дугуйланд нэгэн зэрэг явлаа. Алсаан. Бүжгийн дугуйланд яваад тараад үндэсний бөхийн секцэнд явна. Орой нь теннисний секцэнд явна. Маргааш нь сул өдрөө хор дууны дугуйланд явна. Бас ятгын ха ха ха. Гайхаж байна уу. Алдаг байгаа биз. Тэгээд нэг зүйл мэдэрч эхэллээ. Бөхөөр бол амжихгүйн байна гэдгээ бол ойлголоо. Барилдаад ч барахгүйн байна. Хор найруулаад ч явахгүйн байна гэдгээ мэдэрсэн. Ятгаар явсан чинь хуруу цэврүүтээд юун дахин явах. Болилоо. Тэгээд теннисдээ овоо явсан чинь бие дийлхээ болиод хаялаа. Сүүлдуу 2-той үлдсэн. Тэгсэн чинь авъяас тодроод дуучин болоод бас бүжигчин болоод баахан үзсэн гэж байгаа.

Ямар ч гэсэн тэгэхдээ бүжигний хугархай, дууны дугараа л үлдсэн. Яг яс юман дээрээ би энэ хэдэн чиглэлийн аль нь ч биш байсан. Одоо бодоход лайтай идэвхтэй байсан юм шиг байгаа юм. Бас болоогүй ээ скаут гэж байгаа. Харин энэ залуус надаас идэвхтэй байгаа юм даа. Хэ хэ. Аймаар атаархсан. Эд нар яг юм дуулгана шүү. Зөв явбал.

Юутай ч дүү нартаа баяр хүргье. Миний дүү нар та нар чадаж байна. Үүнээс ихийг хийгээрэй. 2 жилийн өмнө энд тэнд лекц хийгээд явж байхад олон залуу та нар ярихаас өөр юу чаддаг юм гэж байсан. Одоо харахад олон залууг сэдэлжүүлж олон хүнийг чиглүүлсэн юм билээ. Гэхдээ бид лав хийж байгаа зүйлээ хийх гэж байгаа зүйлээ ярьж явсан юм билээ. Амьдрал гэж баян шүү. Энэ ямар харанхуй газар вэ биш ээ харин энэ харанхуйг яаж гэрэлтүүлэх вэ гэж. . . Би хэлээгүй надаас эрт нэгэн сэтгэгч хэлсэн байдаг юм билээ. Ухаантай дүү нартаа амжилт хүсье. Ах нь чадхаараа хичээнэ ээ.

JD

Он гарангуут шууд л. . .

Найзуудаа оройн мэнд. Та бүхний ажил сайн биз дээ. Он гарангуут над шиг шууд маргааш нь эмнэлэгт хэвтдэг баагий гэж байхгүй байх тээ. Аан. Яагаад хэвтсэн юм бэ хэ хэ. Харин нөгөө архиа хэтрүүлээд. За за худлаа худлаа. Түй түй муу ёор байгаадаа.

Зүгээр л энэ удаагийн шинэ жилээр их олон хоногийн амралт таарчихлаа л даа. Тэгээд л би зүгээр байхаар гээд 2009 оны биений бэлтгэл хийсэн шүү ухаантай юм хэ хэ. Гэхдээ энэ эмнэлэгт хүн гэж алга. Бараг ганцаараа байна. ТВ үзээд л цонхоор хараад сууж байна. Бас их юм бодогдох юм аа. Өвчтөй хүн үнэхээр хэцүү хүн бүхэн ажил хийгээд аз жаргалтай явахад . . . тиймэрхүү байх юм.

Найзуудаа ер нь бол эрүүл байж ихийг бүтээнэ гэж үнэн шүү. Тийм болохоор өвдсөний дараа биш өвдөхөөс өмнө нь урьдчилан сэргийл гэж . . .

JD

Сайн байна уу? 2009 он

Сайн байна уу? миний үл мэдэх эрхэм найзуудаа. Цаг хугацаа гэж бидний зохиосон энэ зүйлийнхээ төлөө төөрөөд амьдраад ч байгаа юм шиг санагдах юм. Бүх зүйл нарийн хэмжсэн хугацаатай байдаг. Тэр хугацааг хэмжих нэгж бүрийн үнэ цэнийг эрхэм философичид гайхан биширч түүнийг алдахгүй байх тухай зөвлөнө. (Дан ганц суутнууд ч биш бас алдартнууд ч мөн адил буурал толгойгоо илэн залуудаа тэгэх минь яав даа гэсэн шиг л үгүйлэнэ. Гунигтай ч бас уярмаар) Яг энэ хэмжүүрээрээ бидний амьдрал хэмжигдэнэ. Яагаад бид нэг жилийг 365 биш 730 хоногтой хийж болоогүй юм бэ (Хэ хэ. Лаг бодсон аан) Манай Монголын эртний тоолол бол жарнаар хэмжигддэг байсан. Тэр утгаараа Азийн он солигдох тэр мөчлөг нь өөр өө байдаг. Бид харин энэ тоондоо эргэж үүнийг нь ашиг хонжоо болгосон хүмүүн бас цөөнгүй.

Юутай ч цаг хугацаа гэдэг энэ зүйл улиран одон бид 2009 онтой золголоо. Он солигдох болгонд амьдрал дээр юм өөрчлөгддөг бол мөн сайхансан. Юу өөрчлөгддөггүй. Харин бид сэтгэл зүйгээ хууран сайхан цаг ирлээ хэмээн итгүүлдэг. Тэр итгэлээрээ хөглөгдөж их үйлсийг бүтээхээр гарч байгаа юм даа. Би ч гэсэн мөн адил.

Тэгээд бодохлоор энэ он солигдох гэдэг нь зүгээр л бидний амьдралыг утгатай болгодог юм байна. Яагаад гэхээр хэн нэгэн хүнийг 60 хүрхээрээ тэтгэвэрт гардаг гэж заагаад цаг хугацаа заахгүй бол 60 хэзээ хүрэхээ мэдэхгүй тэгээд бас байр сууриа тавьж өгөхгүй хэ хэ. Аймаар аан. Та санал нийлэх байх. Бас хэн нэгэн хэн нэгэнтэй учирсанаа хэмжих нэгжгүй бол яг хэзээ учирсанаа ч бас санахгүй гэж. Ийм болохоор энэ хугацаа бүрийн үнэ цэнийг бишрэн шүтэж үр дүнг нь мэдрэх нь чухал юм байна.

Найзуудаа 2009 он төгсгөлийн 9-ийн тоо шигээ ерөөлөө хайрласан их сайхан жил болно гэдэгт итгэлтэй байна. Мэдээж энэ билэгдлийг бид хүртэхийн тулд хичээх хэрэгтэй болох байх аа.

JD