Лонхны баяр...

Маргаашнаас эхлээд сургуулиуд хонхны баяраа хийж эхлэх юм байх. Уул нь хамгийн их хүсэн хүлээдэг баярын нэг нь хонхны баяр. Арван жилийн хонхны баяр бол бүүр гоё нь. Гэтэл энэ сайхан ариун баяр нь лонхны баяр, бас . . . баяр болон хувирчээ. Хүн хэлэлтгүй эргээд хархад би ч гэсэн энэ баярыг лонхоор өнгөрөөж дээ. Эрдмийн ширээнээс гараад шууд л архины их сургуульруу (амьдралын их сургууль штээ уул нь) явж орох юм. Азтай нэг нь сэлээд гарна. Азгүй нь тэндээ шумбан одох нь даанч харамсалтай. Би саяхан нэг найзтайгаа таарсан. Яг хэвээрээ байсан бөгөөд яриа нь хүртэл нөгөө л хүүхдийн зангаараа. Нэг уулзсаных ганц юм гээд л хэ хэ. Арай гэж салсан шүү. Уул нь нэг хөөрхөн охин авч суусан юм. Хонхны баяраар хоёулаа их сайхан харагдаж байсан. Дундаасаа нэг хүүхэдтэй болсон гэсэн. Даанч амьдрал нь нээх удаагүй салсан гэнэ. Хөөрхий тэр хүүхэд. Эцэс сүүлд нь нэг хүүхдийн хувь заяа, эр нөхөргүй эхнэр, эзэнгүй айл л үлдэх юм даа.

Анх сургуульд ороходоо үнэн цоглог залуу байсан. Тэгсэн хоёрдугаар ангиас эхлээд л ганц нэг уугаад байдаг байсан. Оюутан байхад яахав дээ орой нь ууснаа өдөр нь баяр болгож яриал, тэнэглэлээ ярьж хөхрөөл. Шөнө нь согтуу хийсэн сексээ хэн нэгэнд аархаж томроол явдаг үе. Ингэж явсаар нэг мэдхэд эргэж буцалтгүй энэ далайд шингэсэн байх юм. Тааруулаад хэрэглэвэл сайхан л ундаа. Харин хэтрүүлвэл ч бас л аан. Бодит жишээ.

Яг энэ жишээгээр хичнээн олон аавийн хүү явааг хэлхэд ч хэцүү байх. Үүнээс арай нэг дээр нь ажилд орно. Ороод хэдэн төгрөг авна. Түүгээрээ шоудана. Архи уухаараа их бүтээн байгуулалт, амьдралын сайн сайхны тухай хөөрөлдөнө. Ёоо. шал дургүй хүрчлээ. Бүүр БАР-нд тэнэгтдэг хэдэн гарууд санаанд орчлоо. Ийгээд л тэд бас Монголын шилдэг гэсэн залуусийн нэг дүр зураг.

Гадаадаас хэн нэгэн найз утасдхаараа наана чинь METRO гэж нэг алаан нээгдсэн гэнээ гээд л асууна. Өөр асуух юм байдгүй л юм байх даа. Нусаа хацартаа нааж байж виз авсан нэг бацаан үдэлтээ хийгээд очоод л баахан залдаг юм шиг байгаан. Аа тэнд нэг бар алж байна аа гээд л хэ хэ. Хөөрхийс.

Ийгээд бодхоор энэ бүхний үндэс нь ЛОНХНЫ баяраас эхлээд АВС хүртэл л үргэлжилдэг юм шиг байна. ( A B C энэ чинь Англи хэлний эхний үсэг тээ. Яг бичиж байгаад нийлүүлээд харсан авс гэсэн үг байна штээ) Одоо болоо юм биш үү. Яагаад заавал уулзхаараа архидах ёстой юм. Өөрөөр амьдарч яагаад болохгүй байгаа юм. Уул нь болмоор л юм. Би нэг жишээ хэлье. Энэ бүүр надад тохиолдсон жишээ л дээ. Би маш их тамхи татдаг байсан. 5 жил татсан. Архаг байлаа штээ. БАР-нд ажилладаг байлаа. Хороололд. (Оюутан байхдаа хэдэн төгрөг олох гээд ажиллаж байсан юм шүү) Хэ хэ. Зарим нэг нь сайн мэдэж байгаа доо. Сургуулиа төгсөөд ажилд орсон чинь манай ажлынхан чи залуу хүн байж яахлаараа ингэж их татдаг юм л гэнэ. Туранхай энээ тэрээ гээд. Тэгээд арга ядаад нэг өдөр за хаяая гээд л хаясан. За даа эхэндээ ч ёстой нэг чанга байсан шүү. Хоол идчээд тамхи хайгаад л. Секс хийчээд тамхи хайгаад л. За тэгээд уувал бүр дуусаа. Гэхдээ би чадсан. Хаяна гэснээрээ л хаясан.

Дүгнэлт:
Миний тэр тамхи бол зүгээр л зуршил байсан. Яг үүнтэй ижлээр миний бичээд байгаа энэ архидалт бол яг л зуршил. Тэгээд өөр юу ч биш. Санал нэг байгаа байх аа гэж бодож байна. За тэгээд уншиж байгаа хэн нэг нь хэрвээ ийм зуршилтай бол хаях гээд үзээрэй эхнэр чинь, үр чинь, улс чинь баярлана шүү.

JD

Хэрээ галууг дуурайж хөлөө хөлдөөв. . .

Цэцэг өглөө эртлэн босож гэрээ цэвэрлэнэ. Амандаа ээжийн минь чанасан цай хэмээн дуу аялана. Дотроо нэг л өөдрөг бодол тээсэн бололтой царай нь гэрэлтэж, нүд нь баясгалантай харагдана. Гэрээ цэвэрлэж ядаад байх зүйл үгүй. Анх айл болоход нь аав нь өгсөн бор шкаф үүдэнд нь байрлана. Бөөн сүр болж захаас авсан угаалтуур, жижиг сажиг гал тогооны хэрэгсэл, дээр нь галын зуух за тэгээд нэг ТВ ер нь л тэгээд болох ньтэр. Шкаф тэдний хувьд агуулах, бас дээр нь хэдэн бор төгрөгөө хадгалах сейф, хатуухан хэлбэл нөхрөөсөө зарим нэг зүйлийг нуудаг архив.

Удахгүй нөхөр ирнэ. Өнөөдөр эрчүүдийн баярын өдөр. Нөхөр маань намайг Мартаар ёстой их баярлуулсан. Би өнөөдөр хэдэн нуусан бороороо юу авч өгнө өө. Дээр уул нь мөнгөн зүүлт харчаад салахгүй байсан. Тэрнийг нь аваад өгчихдөг юм уу. Аа нээрээ тэр чинь үнэтэй байсан штээ. За байз. Юу дээр вэ. Шууд дуртайгаа ав гээд мөнгийг нь өгчихдөг юм уу . Арай бага юм аа. Уул нь ажил хийдэг байсан бол гэхчлэн элдвийг бодно. Тэрээр цэргийн баярт бэлдэж байгаа бололтой.

Цэцэгийн нөхөр Бат бол угаасаа цэрэгт явах нь битгий хэл эхээс төрөхдөө бие муутай төрсөн хүүхэд. Ямар сайндаа найз нар нь рок биет гэж хочлох вэ дээ. Гэхдээ эрийн шийр зааж айлын охин аваад айл үүсгээд арай л хоосон хончихгүй, хоёр идчихгүй л яваа нэгэн. Арван жилээ төгсөөд сургуульд яваагүй бизнес хийсэн бөгөөд одоо хэр нь бизнестээ амжилт гаргаж чадахгүй яваа. Өвөл болхоор түлээ, нүүрс зарна. Зундаа шил авна за тэгээд ер нь хийж болох бүхнийг л хийнэ дээ.

Яг энэ мөчид Бат ажил дээрээ хэдэн төгрөг олчих санаатай сууна. Дотроо өнөөдөр чинь цэргийн баяр шүү дээ. Орой нэг баярлах нь дээ хэмээн бодлогширно.

Тэр хоёр хоёр талд ийнхүү бодлогширон байх хооронд цаг харавсан сум мэт өнгөрчээ. Нэгэнт орой болж Бат гэртээ харих цаг болсон байна. Автобус дамжин, оргилд мацан гэртээ ортол. Нөгөө муу жижиг бор ширээ дүүрэн амттан. Ээ бурхан минь. Өөрийн эрхгүй дуу алдан. Эхнэрээ тэвэрч аван баярласан сэтгэлээ илэрхийллээ.

Хамар хашаанаас хэдэн нөхдөө дуудана. Тэр хэдтэй Улаанбаатарт орж ирээд танилцсан бөгөөд хааяа нэг баяраар, эсвэл тохиолдлоор уулзаж ганц нэг юм ууцгаана. Төд удалгүй нөгөө хэд ч гэрт ороод ирлээ. Нилээн эртнээс уусан бололтой халцгаажээ.

Найр ёстой нэг оволзтол эхэлсэн дээ. Бат ч эхнэрээ магтаад л. Удахгүй баяжих тухай сэтгэлээ сэргэтэл нөгөө хэддээ хөөрнө. Хамар хашааний агаа нар ч мөн адил том том үсрэнэ. Гэнэт нэг нь мэргэн санаа гаргалаа. Ерөөсөө маргаашнаас хамтарсан бизнес хийе. Бүгд л би ч тэрэнтэй уулзая. Би ч өглөө эрт босоод ингэнэ гэхчлэн хөөрөлдөнө. Ийнхүү тэд уусаар үүрээр салцгаалаа.

Өглөөний нар хурцаар гийн Монгол улсад, Улаанбаатар хотод, Батийнд өглөө боллоо. Шартсан эр эхнэрээ ус аваад өгөөч хэмээн орлин дуудна. Цэцэг босон харайж харвал гэрт нь Дэлхийн 3-р дайн болжээ. Хогноос өөр юу ч үлдсэнгүй ээ.

Маргааш тэднийх юугаар амьдрах вэ. Цэцэг байсан хэдээ хамж шимээд, гар дах бөгжөө, чихэн дэх ээмгээ мултлаад ломбарданд өгсөн. Энэ олон баярт хэний олон үрс ингэж хэлмэгдэж байгааг хэн мэдэх вэ. . . Цэцэг, Бат хоёр дэндүү их баярлалаа даа.

JD

Хүний үнэлэмж. . .

Өчигдөр ажил дээрээ байсан чинь манай нэг найз чатаар чухам зүгээр Англи, Орос хэлтэй менежер авна гээд явууллаа. Би ч яахав сонирхоод цалин нь хэд юм болоо гээд л асуусан чинь 500,000 гэжээлээ. Ямар бага юм бэ?. Өндөр түвшний менежер үү. Өнөөдөр амьдралын өртөг хэд байгаа билээ. За нэг тоо бодоцгооё.

Бар-аар жишээ авъя л даа. Нэг 0,5 литрийн грушк пиво (Чингис пиво штээ) 2500 төгрөг. За мэдээж нэгийг уугаад болихгүй штээ. Халуурана. Хоёрыг ууна. Гурвыг ууна. Сайхан болж байна аа. Дахиад нэгийг ууна. Тасрах шахна. Ингэхлээр хэд болж байна. 10,000 төгрөг. Мэдээж ганц пиво уугаад зогсохгүй шүү дээ. Дунд нь нэг самар авна. За тэгээд хүсвэл ганц нэг ундаа дунд нь шимнэ. Хэ хэ. Нэг охин дагуулаад явбал за тэгээд тооцоо бол 30,000 гарна штэ. (Гэхдээ юу шүү. Нөгөө энэ чинь бас л гайгүй ажил хийдэг гэж бодож байгаа залуугаар жишээ авч байгаа шүү)

Хамгийн багадаа сард 3 удаа шоудахад бол 90,000 төгрөг. (Таксины мөнгө энэ тэр ороогүй шүү. хэ хэ. Өөр ямар зардлууд гардгийг бол мэдэж байгаа биз дээ) Цалин нь буусан өдөр мэдээж гэртээ хүнсээ авна. Амьдрахаад мэдээж байр хэрэгтэй. Нэг өрөө байрны түрээс одоо бол 200,000 хол давсан. Ажилдаа хааяа автобусаар явна. Гэхдээ хааяа таксидана. Ийгээд бодхоор нөгөө залуугийн 500,000 хаанаа яаж хүрэх вэ. 500,000 гэж байгаа ч. Үнэндээ татвараа хасаад хэд авахийг мэдэж байгаа биз дээ. Аа яа яа. Яана аа.

Баахан тоо бодсон чинь толгой өвдчихлөө. Энэ бол энгийн л тооцоо. Үүнээс цаана зөндөө зардал гарч байгаа штээ. Бод доо бид хүнээ үнэлж чадаад байна уу. Бидний хэдэн залуус чинь зөвхөн үүний л төлөө амьд явж байгаа гэж үү. Дахиад нэг асуулт. Амьдрал гэж юу юм бэ? Хэний төлөө юм бэ. Өөрийнхөө төлөө юу?, эсвэл гэр бүлийнхнийхээ төлөө юу?, эзнийхээ төлөө юу? (Уншигч та өөрөөсөө асуугаад хариултаа өөртөө үлдээгээрэй)

Одоо бол оо. Үүнээс цааш хэтэрвэл хэн энэ улсад амьдарч, ажиллах юм бэ?. Хүний үнэлэмж үнэхээр хэцүү байна. Залуус өөрсдөө өөрийгөө үнэлэхгүй байхад хэн ч үнэлэх юм бэ. Ийгээд нэг санаа гаргалаа. Ерөөсөө та өөртөө итгэлтэй, чадвартай залуу хүн мөн бол өөрийгөө чадах чинээгээрээ үнэл. Бас чадах чинээгээрээ ажил. Ингэнхийн тулд өөрийгөө чадавхижуул, бас өөртөө зорилго тавиад түүнийхээ төлөө хүс, мөрөөд.

Уучлаарай. Гэнэт гарах боллоо. Үргэлжлэл байгаа шүү. . . Гол зүйлээ бичээгүй байгаа. . .


JD